Euskal AEko enplegu-tasak, %67,2, EB-27 herrien batez bestekoa, %65,4, gainditzen zuen Eustatek dituen 2007 urteko datuen arabera, hau da, lurralde esparru horietan konparazioak egiteko eskura dauden azkenak, alegia. Espainiari zegokion enplegu-tasa urte horretan %65,6 zen.

Danimarka (%77,1), Holanda (%76,0), Suedia (%74,2), Austria (%71,4) eta Erresuma Batua (%71,3) ziren enplegu-tasarik altuenak zituzten esparru honetako herriak. Kontrako aldean zeuden Malta (%55,7), Polonia (%57,0), Hungaria (%57,3), Italia (%58,7) eta Errumania (%58,8), adierazle honi dagokionez azken postuak okupatuz.

1995-2007 aldiko datuak erkatzen badira argi geratzen da urte horietan goitik beherako aldaketa gertatu dela, adibidez Euskal AEk zuen enplegu-tasa %48,5 zelako 1995ean, tasa hori %57,5 zelako 2000n eta %67,2 2007an, azken urte horretan EB-27ko herrien batez bestekoa gaindituz. Ordea, Espainian portzentaje horiek hurrenez hurren %46,9, %56,3 eta %65,6 ziren eta EB-27 eratzen duten herrien artean batez bestekoa adierazle horretan %62,2 zen 2000 urtean eta %65,4 2007an.

Enplegu-tasa (%) EB-27n (1995-2007)

Iturria: Eustat eta Eurostat

Emakumeen enplegu-tasari dagokionez Euskal AEkoa, %57,3, asko hurbildu zaio EB-27ko herrietako batez bestekoari (%58,3). Ildo horretatik esan daiteke adierazle horren bilakaera azken urteetan nabarmena izan dela Euskal AEn, 1995 urtean %34,4 zena %43,0 zelako 2000.ean eta %57,3 2007.an

Europako Iparraldeko herriak ziren, 2007an ere, atal honetan lehen tokietan zeudenak: Danimarka (%73,2), Suedia (%71,8), Holanda (%69,6) eta Finlandia (%68,5). Kontrako tokietan zeuden Malta (%36,9), Italia (%46,6) eta Grezia (%47,9), herri horietan zirelako baxuenak emakumeen enplegu-tasak. Gogoan eduki behar da Espainiak %31,7ko portzentajea zuela 1995ean, %41,3 2000n eta %54,7 2007an, hau da, artean EB-27ko herrien batez bestekotik urrun.

Halaber, interesgarria da azpimarratzea Euskal AEn 2007an 55 eta 64 urte arteko biztanleen kasuan zegoen enplegu-tasa %41,2 zela, EB-27n (%44,7) eta Espainian (%44,6) egon dauden batez bestekoak baino baxuagoa.