EAEn eraikuntzako kostuen indizeak %0,1eko igoera izan du 2008ko abuztuan, aurreko hilabetearen aldean; horrela, hilabete horretako urte arteko tasa %7,7raino igo da, Eustaten datuen arabera.

Urte arteko aldakuntza-tasak, 1997-2008

(*)Gehikuntza abuztuko urte artekoa da

Iturria: EUSTAT

2008ko abuztuan, lan-eskuaren kostua ez zen aldatu (%0,0); lehengaien kostuak, berriz, %0,1 igo ziren.

Eraikuntza eta Obra Zibila azpisektoreek bilakaera desberdinak izan zituzten: aurreko hilaren aldean % 0,2 igo ziren Eraikuntzakoak eta % -0,3 jaitsi Obra Zibileko lehengaien kostuak. Bi azpisektore hauen urte arteko bilakaerak intentsitate ezberdinak erakusten ditu. Eraikuntzako lehengaien kostuak %7,8 hazi dira eta Obra Zibilekoenak %9,7.

Abuztuan, prezio hazkunderik handienak kontsumitutako honako lehengaiek izan dituzte: Energia elektrikoa eta gasa (%3,3), Kautxu eta plastikoa (%1,8) eta Kimika-industria (%1,6) adarretako lehengaiek. Berriz, hileko prezioetan murrizketak izan zituzten ondokoek: Petrolioa fintzea (%-3,1), Material elektrikoa (%-0,8) eta Ez-metalezko industria (%-0,3).

Sektorean kontsumitu diren lehengaien prezioari dagokionez, azken hamabi hilabeteetan inflazio-tasarik handienak izan dituztenak ondokoak izan dira: Energia elektrikoa eta gasa (%22,5), Petrolioa fintzea (%16,9) eta Ez-metalezko meak (%13,3). Bestalde, urteko arteko prezioetan (2008ko abuztua, 2007koaren aldean), igoera txikiagoak izan zituzten Material elektronikoko (%-1,7), Ez-metalezko industriako (%1,2) eta Zuraren industriako (%1,9) lehengaiek.

Eraikuntzaren kostuen indizea. Euskal AE. Datu aurrerapena. 2008ko abuztua

Iturria: EUSTAT