Eustatek landutako datuen arabera, 2008ko abuztuan %0,4 hazi zen Euskal AEko industri produkzioa lan-egutegiko baldintza homogeneotan, 2007ko hil beraren aldean.

Urtaroen eragina zuzenduta, %0,2 hazi zen Euskal AEko industri produkzioa, 2008ko aurreko hilarekin, uztailarekin, alderatuta.

2008ko lehen zortzi hiletako balantzea Industri Produkzioaren Indizearen %0,1eko igoera metatuarekin itxi da, aurreko urteko aldi beraren aldean.

1. grafikoa: Euskal AEko Industri Produkzioaren Indizearen urte arteko hiru hileroko hazkunde zuzendua

(*) 2008ko uztail-abuztuko urte arteko hazkunde zuzendua

Iturria: Eustat

Sektoreen araberako bilakaera

Sektoreka eta industri sektore handien sailkapenaren arabera, 2008ko abuztuko indizearen bilakaerak hazkundeak izan zituen Energian (%5,6) eta Ekipoko ondasunetan (%4,5), 2007ko abuztuaren aldean. Tarteko ondasunek %-0,9ko jaitsiera izan dute; Kontsumoko ondasunek %-9,3koa, Kontsumo iraunkorreko ondasunen (%-10,7), eta ez-iraunkorrekoen (%-9,0) jaitsierengatik.

Hona hemen 2008ko abuztuko hil arteko aldakuntzak 2008ko uztailaren aldean: Ekipoko ondasunek %3,1eko igoera izan dute; Kontsumoko ondasunek %0,6koa, Kontsumo iraunkorreko ondasunen igoeragatik (%11,3), ez-iraunkorrekoak %-3,2 jaitsi baitziren. Energiak %-1,0 egin zuen behera, eta Bitarteko ondasunek %-0,6.

Lurralde Historikoen araberako bilakaera

Lurralde historikoen arabera Industri Produkzioaren Indizeak bilakaera negatiboa izan du Araban (%-7,5) eta Bizkaian (%-0,6); Gipuzkoan positiboa (%5,4).

Hil arteko bilakaera, 2008ko abuztua uztailaren aldean, negatiboa izan da Araban (%-1,9) eta Bizkaian (%-1,7); Gipuzkoan positiboa, %3,5.

Taula: 2008ko ABUZTUA. Euskal Autonomia Erkidegoko Industri Produkzio Indizearen aldaketa-tasak (%)

(1) t urteko urtarriletik azken hilera arte metatutako aldiaren urtetik urterako aldaketa-tasa da, t-1 urteko aldi berberaren aldean.

Iturria: Eustat