Eustatek landutako datuen arabera, 2008ko uztailean %0,8 murriztu zen Euskal AEko industri produkzioa lan-egutegiko baldintza homogeneotan, 2007ko hil beraren aldean.

Urtaroen eragina zuzenduta, %1,6 hazi zen Euskal AEko industri produkzioa, 2008ko aurreko hilarekin, ekainarekin, alderatuta.

2008ko lehen zazpi hiletako balantzea Industri Produkzioaren Indizearen %0,3ko murrizketa metatuarekin itxi da, aurreko urteko aldi beraren aldean.

1. grafikoa: Euskal AEko Industri Produkzioaren Indizearen urte arteko hiruhileroko hazkunde zuzendua

(*) 2008ko uztaileko urte arteko hazkunde zuzendua

Iturria: Eustat

Sektoreen araberako bilakaera

Sektoreka eta industri sektore handien sailkapenaren arabera, 2008ko uztaileko indizearen bilakaerak hazkundeak izan zituen Energian (%5,9) eta Ekipoko ondasunetan (%3,0), 2007ko uztailaren aldean. Tarteko ondasunek %-2,7ko jaitsiera izan dute eta Kontsumoko ondasunek %-5,6koa, Kontsumo iraunkorreko ondasunen jaitsieragatik (%-18,2), Ez-iraunkorrekoak %0,7 igo baitziren.

2008ko uztaileko hil arteko aldakuntzak 2008ko ekainaren aldean ondokoak izan dira: Energia %3,4 igo da, Ekipoko ondasunak %2,5 eta Tarteko ondasunak %0,9. Kontsumo-ondasunak %3,5 hazi dira guztira; Kontsumo-ondasun iraunkorren prezioak %5,0 hazi ziren, eta Kontsumo-ondasun ez-iraunkorrenak %-0,5 jaitsi.

Lurralde Historikoen araberako bilakaera

Lurralde historikoen arabera Industri Produkzioaren Indizeak bilakaera positiboa izan du Bizkaian (%2,2); Araban %-1,7ko jaitsiera dago eta Gipuzkoan %-3,7koa.

2008ko uztaila 2008ko ekainarekin alderatuz gero bilakaerak positiboak izan dira lurralde guztietan: Araban %2,0, %0,2 Gipuzkoan eta %2,6 Bizkaian.

Taula: 2008ko UZTAILA. Euskal Autonomia Erkidegoko Industri Produkzio Indizearen aldaketa-tasak (%)

(1) t urteko urtarriletik azken hilera arte metatutako aldiaren urtetik urterako aldaketa-tasa da, t-1 urteko aldi berberaren aldean.

Iturria: Eustat