EUSTATen datuen arabera, Euskal Autonomia Erkidegoan eraikuntzaren kostuen indizeak %0,1eko igoera izan du 2008ko uztailean, aurreko hilabetearen aldean; horrela, hilabete horretako urte arteko tasa %7,7raino igo da.

Urte arteko aldakuntza-tasak, 1997-2008

(*)Gehikuntza uztailako urte artekoa da

2008ko uztailean laneskuaren kostuak ez du inolako aldaketarik izan (%0,0); lehengaien kostuek, aldiz, %0,1eko igoera izan dute.

Eraikuntzaren eta obra zibilaren azpisektoreetako lehengaiek bilakaera ezberdina izan dute: eraikuntzak %0,1eko igoera izan du aurreko hilabetearekin alderatuta, baina obra zibilerako lehengaien kostuek -%0,3ko beherapena izan dute. Bi azpisektore horien urte arteko bilakaerari dagokionez, bata bestearengandik urruntzen ari dela egiaztatu da: eraikuntzako lehengaien kostuak %7,7 igo dira, eta obra zibilerako lehengaien kostuek %9,7ko igoera izan dute.

Uztailean prezioaren hazkunde handienak, besteak beste, honakoetan kontsumitutako lehengaietan eman da: energia elektrikoa eta gasa (%5,1), altzarien fabrikazioa (%0,8) eta material elektronikoa (%0,5). Aitzitik, ondokoen prezioek behera egin dute: petrolioaren birfinketa (-%2,7), material elektrikoa (-%0,8), industria ez-metalikoa (-%0,2) eta makineria (-%0,1).

Sektorean kontsumitu diren lehengaien prezioari dagokionez, azken hamabi hilabeteetan inflazio-tasa handienak izan dituztenak ondokoak izan dira: petrolioaren birfinketa (%17,6), energia elektrikoa eta gasa (%17,1) eta mineral ez-metalikoak (%15,3). Bestalde, ondoren ematen diren ataletako lehengaien prezioak urte batetik bestera (2007ko uztailetik 2008ko uztailera) gutxitu egin dira: material elektronikoa (-%2,9), zuraren industria (%1,8) eta makineria (%2,2).

Eraikuntzaren kostuen indizea. Euskal AE / Datu aurrerapena. 2008ko uztaila

Iturria: EUSTAT