EUSTATen datuen arabera, Euskal Autonomia Erkidegoan eraikuntzaren kostuen indizeak %0,4ko igoera izan du 2008ko ekainean, aurreko hilabetearen aldean; horrela, hilabete horretako urte arteko tasa %7,7raino igo da.

2008ko ekainean laneskuaren kostuak ez du inolako aldaketarik izan (%0,0), aitzitik lehengaien kostuek %0,5eko igoera izan dute.

Eraikuntzaren eta obra zibilaren azpisektoreek bilakaera ezberdina izan dute: eraikuntzak %0,3ko aldaera izan du aurreko hilabetearekiko, eta obra zibilerako lehengaien kostuek %1,0eko igoera izan dute. Bi azpisektore horien urte arteko bilakaerari dagokionez, bata bestearengandik urruntzen ari dela egiaztatu da: eraikuntzako lehengaien kostuak %7,6 igo dira, eta obra zibileko lehengaien kostuek %9,7ko igoera izan dute.

Ekainean prezioaren hazkunde handienak, besteak beste, petrolioaren birfinketan (%4,0), metalurgian (%1,7) eta material elektrikoan (%1,1) kontsumitutako lehengaietan eman da. Aitzitik, hurrengo sektoreetan prezioak jaitsi egin dira: energia elektrikoa eta gasa (-%0,4), mineral ez-metalikoak (-%0,1) eta material elektronikoa (-%0,1).

Sektorean kontsumitu diren lehengaien prezioari dagokionez, azken hamabi hilabeteetan inflazio-tasa handienak izan dituztenak ondokoak izan dira: petrolioaren birfinketa (%18,9), mineral ez-metalikoak (%15,2), energia elektrikoa eta gasa (%11,9) eta ura (%11,4). Bestalde, ondoren ematen diren ataletako lehengaien prezioak urte batetik bestera (2007ko ekainetik 2008ko ekainera) gutxitu egin dira: material elektrikoa (-%3,0), zuraren industria (%2,4) eta makinak (%2,5).

Iturria: EUSTAT