Eustatek eskainitako datuen arabera, Euskal AEko hotel-establezimenduetan 148.209 bidaiari-sarrera erregistratu dira 2008ko azaroan, aurreko urteko hilabete berean baino 13.500 sarrera inguru gutxiago; beraz, %8ko jaitsiera gertatu da. Bidaiarien sarrerak %8 jaitsi dira Araban, %6 Bizkaian eta %12 Gipuzkoan, aurreko urteko hilabete beraren aldean.

Estatuko bidaiarien sarrerak %7 jaitsi dira 2007ko urriarekin alderatuz. Estatuko bidaiariek atzera egin dute hiru lurraldeetan: Araban %7 gutxitu dira, Bizkaian %1 eta Gipuzkoan %13 gutxitu dira. Bidaiari atzerritarrak ere gutxitu egin dira hiru lurraldeetan: Araban %10, Bizkaian %19 eta Gipuzkoan %8. Ondorioz, %14ko jaitsiera gertatu da orokorrean Euskal AEan.

Estatuko bidaiarietan Gaztela-Mantxa eta Gaztela eta Leonetik datozenetan igoera gertatu da; nagusiki Galizia, Madril eta Kataluniatik datozenak gutxituz. Atzerritarrei dagokienez, Iberoamerikatik eta Danimarkatik datozenak ugaritu egin dira; Frantzia, Alemania, Portugal eta Erresuma Batutik datozenak, aldiz, gutxitu egin dira.

2008ko azaroan 273.596 gaualdi erregistratu dira; beraz, aurreko urteko hilabete beraren aldean %10eko jaitsiera gertatu da, 30.000 gaualdi gutxiago, alegia. Gaualdiek urte arteko garapen negatiboa izan dute Araba (-%11), Bizkaia (-%4) eta Gipuzkoan (-%16).

Euskal AEan osotara hartuta egonaldiaren batez besteko iraupena iazko azaroko 1,88 egunetik joan den azaroko 1,85era igaro da. Araban 1,86tik 1,81 egunera gutxitu da; Bizkaian 1,77tik 1,79 egunera igo da; eta Gipuzkoaren kasuan 2007ko azaroko batez besteko 2,03 egunetik joan den azaroko 1,93 egunera gutxitu da.

Plazen betetze-mailak %14ko jaitsiera jasan du, iazko azaroko %44,70etik aurtengo azaroko %38,39ra igaroz. Araban 2007ko azaroko %41,56ko plazen betetze-mailatik 2008ko azaroko %35,16ra igaro da. Bizkaian 2007ko azaroko %43,91tik joan den azaroko %39,50era jaitsi da. Gipuzkoan ere behera egin du, iazko %46,86tik 2008ko azaroko %38,30era igaroz. Gelen betetze-mailak ere behera egin du, bai Euskal AEko osorako (-%12) eta bai Araba (-%10), Bizkaia (-%9) eta Gipuzkoarako (-%16) ere.

Nekazalturismoa: Bidaiarien sarrerak gora egin du (%6) eta gaualdiek behera gin dute (-%7)

Aurtengo azaroan 7.660 bidaiari-sarrera erregistratu dira Euskal AEko nekazal turismoko establezimenduetan, aurreko urtean baino %6 gehiago; Gipuzkoan %17 egin du gora eta Araban %4 eta Bizkaian %1 egin du behera. Estatuko bisitariek %8 egin dute gora Euskal AE mailan: Gipuzkoan igo egin dira (%24) eta Araban %4 eta Bizkaian %2 jaitsi egin dira. Atzerritarren agerpenak %18 egin du behera Euskal AEan osotara hartuta; Araban (%15) eta Bizkaian (%25) kopuruak gora egin du, eta Gipuzkoan, aldiz, behera (-%43).

Euskal AEko nekazalturismoetan egindako gaualdiak 17.928 izan dira azaroan; beraz, iazko hilabete beraren aldean %7ko jaitsiera gertatu da. Urte arteko hazkunde-tasa positiboa izan da Bizkaian (4%); Araban (-%20) eta Gipuzkoan (-%9), aldiz, negatiboa izan da.

Bidaiariko batez besteko egonaldia jaitsi egin da Euskal AEan osotara hartuta 2007ko azaroarekin alderatuz; duela urte beteko 2,68 egunetik azken azaro honetako 2,34ra igaroz.

1. Taula: Hileko emaitzak

Iturria: EUSTAT