2008ko bigarren hiruhilekoan, ezkontza zibilak gehitu egin ziren aurreko urteko aldi beraren aldean , %6,5 gehiago; guztien %55,1 izan ziren, Eustaten datuen arabera. Ehuneko hau 2008ko lehen hiru hilekokoaren azpitik dago, orduan ezkontza zibilak %82 izan baitziren. Urteko lehen hiruhilekoan, ohi bezala, ezkontza gutxi izan ziren, baina 2008ko bigarren hiruhilekoan, berriz, nabarmen igo ziren maiatzean eta ekainean.

2008ko apiril, maiatz eta ekainean 2.835 ezkontza egin ziren Euskal AEn, aurreko urteko hiruhileko berean baino %-1,5 gutxiago. Herrialdeka, Bizkaian 1.519 ezkontza izan ziren, Gipuzkoan 828 eta Araban 304. Bestalde, 80 bikotek bizilekua Euskal AEtik kanpo kokatu zuten.

2008ko bigarren hiruhileko horretako 2.835 ezkontzetan, bizilekua Euskal AEn duten 2.760 gizonezko eta 2.768 emakumezko ezkondu ziren. Horietatik 2.541 senarrentzat (%92,1), lehen ezkontza izan zen; 15 alargun eta 204 dibortziatu, aldiz, berriro ezkondu ziren. Emakumeen lehenengo ezkontzen ehunekoa gizonenaren antzekoa izan zen: aurretik ezkongabeak ziren emakumeak 2.569 (%92,8) izan ziren; alargunak, 13; eta dibortziatuak, 186.

Ezkontideek eztei-egunean zuten adinari erreparatuta, senarren artean, %75,4k 30 urtetik gora zituzten; emazteen artean, berriz, %61,7k. Proportzio horiek 2007ko hiruhileko berean izandakoak baino handiagoak dira (%73,9 eta %58,1 hurrenez hurren) eta beraz, hiruhileko horretan ere eutsi egin zaio gero eta nagusiago ezkontzeko joerari.

1. grafikoa: Ezkontzen hilez hileko mugimendua

Oinarria 100=b.b.

Iturria: EUSTAT