Eustaten datuen arabera, 2007an Euskal AEko akutuen ospitaleetan 297.100 alta erregistratu ziren, eguneko ospitaleko ospitaleratze eta sarreren artean; aurreko urtean baino %2 gehiago. Alta guztien %76 ospitale publikoetakoak izan ziren eta %24 pribatuetakoak. Aurreko urtean bezala, 2007ko ospitaleko batez besteko egonaldia 5,1 egunekoa izan da.

Zirkulazio-aparatuko gaixotasunak (kardiobaskularrak) izan ziren 2007ko ospitaleratze-arrazoi nagusia, alten %12,2rekin; ondoren digestio-aparatukoak datoz (%11,4) eta nerbio-sistemaren eta sentimenen organoenak (%10,4).

1. grafikoa.- Akutuen ospitaleetan alta emandako pazienteak, diagnostiko-talde sarrienen arabera. 2006-2007

Iturria: Eustat

Arnas-gaixotasunen 2007ko gorakada (%8,5) azpimarratzekoa da. Talde hau ospitaleratzeko laugarren kausa ugariena da, eraginik handiena urtarrilean, otsailean eta abenduan duelarik. Jaiotza-inguruko gaixotasunek (alten %0,7) aurreko urtearen aldean %11ko hazkunde nabarmena izan zuten; batez ere garai aurreko jaiotzagatik eta pisu txikiagatik.

Ospitaleko batez besteko egonaldirik luzeena buru-nahasteek izan zuten (14,1 egun); ondoren jaiotza-ingurukoek (13,8 egun); dezente beherago gaixotasun infekziosoak ditugu (8,6 egun) eta tumoreak (7,9 egun).

Ospitaleratutakoen artean, 7.786 pertsona hil ziren. Arrazoi nagusiak tumoreak (%26,5) izan ziren, eta haien artean “bronkio eta biriketako tumore gaiztoa” izan zen heriotzarik gehien ekarri zuena; ondoren zirkulazio-aparatuko gaixotasunak datoz (%22,3) eta arnas sistemakoak (%18,1).

Pertsona bera behin baino gehiagotan ospitaleratzea eragin zutenen artean ondokoak ditugu: mantentze-kimioterapia, bronkitis kronikoa, bihotz-gutxiegitasuna.

Ospitaleratzeen arteko erdiak baino gehiago (%57k) kirurgi-prozedura edo interbentzioa behar izan zuten. Aparatu muskuloeskeletikoaren gainean egindakoak (%20) izan ziren ugarienak, batez ere “beheko soin-adarretako artikulazioetan” eginak (aldakan, belaunean batez ere); gero aparatu digestiboan (%14) eginak datoz, “eten konponketa” ugariena; eta ondoren begian eginak (%13) “begi-lausoa" aurren delarik.

1. taula.- Altak diagnostiko-talde handien arabera, 2006-2007

*Batez besteko egonaldia

Iturria: Eustat