2008ko urrian, Euskal AEko Eraikuntzako Kostuen Indizea ez zen aldatu (%0,0) , aurreko hilaren aldean, eta urriko urte arteko tasa %6,9ra iritsi zen, Eustaten datuen arabera.

Urte arteko aldakuntza-tasak, 1997-2008

(*)Gehikuntza urriako urte artekoa da

Iturria: EUSTAT

2008ko urrian, lan-eskuaren kostua ez zen aldatu (%0,0); ezta lehengaien kostuak ere, aurreko hilaren aldean.

Eraikuntza eta Obra Zibila azpisektoreek bilakaerak ezberdinak izan zituzten: aurreko hilaren aldean %-1,7 jaitsi zen Obra Zibilekoa; eta Eraikuntzako lehengaien kostuak %0,4 igo ziren. Bi azpisektore hauen urte arteko bilakaerak intentsitate ezberdinak erakusten ditu. Eraikuntzako lehengaien kostuak %6,8 hazi dira eta Obra Zibilekoenak %8,2.

Urrian, irailaren aldean, prezio hazkunderik handienak kontsumitutako honako lehengaiek izan dituzte: Ez-metalezko meak (%1,7); Energia elektrikoa eta gasa (%0,8), Kimika-industria (%0,8) eta Material elektrikoa (%0,7) adarretako lehengaiek. Aitzitik, hileko prezioetan murrizketak izan zituzten ondokoek: Petrolioa fintzea (%-11), Metalurgia (%-3,1), Material elektronikoa (%-0,9) eta Zurgintza (%-0,1).

Sektorean kontsumitu diren lehengaien prezioari dagokionez, azken hamabi hilabeteetan inflazio-tasa handienak izan dituztenak ondokoak izan dira: Energia elektrikoa eta gasa (%27,2), Petrolioa fintzea (%12,8), Ura (%11,4) Metalurgia (%11,3) eta Ez-metalezko meak (%10,5). Bestalde, urteko arteko prezioetan (2008ko urria, 2007koaren aldean), igoera txikiagoak izan zituzten Zurgintzak (%1,9), Ez-metalezko industriak (%2,4) eta Makineriak (%2,6).

Eraikuntzaren kostuen indizea. Euskal AE. Datu aurrerapena. 2008ko urria.

Iturria: EUSTAT