2008ko irailean, Euskal AEko Eraikuntzaren Kostuen Indizea % 0,6 jaitsi zen, aurreko hilaren aldean, eta iraileko urte arteko tasa %7,3ra iritsi zen, Eustaten datuen arabera.

Urte arteko aldakuntza-tasak, 1997-2008

(*) Gehikuntza iraileko urte artekoa da

Iturria: EUSTAT

2008ko irailean, lan-eskuaren kostua ez zen aldatu (%0,0) eta lehengaien kostuak, berriz, %0,8 jaitsi ziren.

Eraikuntza eta Obra Zibila azpisektoreek antzeko bilakaerak izan zituzten, baina indarrean badago alderik: aurreko hilaren aldean % -0,6 jaitsi zen Eraikuntza eta % -1,3 Obra Zibileko lehengaien kostuak. Bi azpisektore hauen urte arteko bilakaerak intentsitate ezberdinak erakusten ditu. Eraikuntzako lehengaien kostuak %6,8 hazi dira eta Obra Zibilekoenak %10,7.

Irailean, abuztuaren aldean, prezio hazkunderik handienak kontsumitutako honako lehengaiek izan dituzte: energia elektrikoa eta gasa (%2,6), kautxu eta plastikoa (%0,2), zurgintza (%0,2) eta makineria (%0,2) adarretako lehengaiek. Aitzitik, hileko prezioetan murrizketak izan zituzten ondokoek: petrolioa fintzea (%-3,6), ez-metalezko meak (%-1,7), metalurgia (%-0,6), metalezko gaiak (%-0,3) ez-metalezko industria (%-0,2) eta altzarigintza (%-0,1).

Sektorean kontsumitu diren lehengaien prezioari dagokionez, azken hamabi hilabeteetan inflazio-tasarik handienak izan dituztenak ondokoak izan dira: energia elektrikoa eta gasa (%29,4), petrolioa fintzea (%28,7), metalurgia (%12,6), ura (%11,4) eta ez-metalezko meak (%10,0). Bestalde, urteko arteko prezioetan (2008ko iraila, 2007koaren aldean), igoera txikiagoak izan zituzten material elektronikoa (%-2,6), ez-metalezko industria (%1,4) eta zurgintzako (%2,2) lehengaiek.

Eraikuntzaren kostuen indizea. Euskal AE / Datu aurrerapena. 2008ko iraila.

Iturria: EUSTAT