Eustatek landutako datuen arabera, 2008ko irailean %3,8 murriztu zen Euskal AEko industri produkzioa lan-egutegiko baldintza homogeneotan, 2007ko hil beraren aldean.

Urtaroen eragina zuzenduta, %2,2 murriztu zen Euskal AEko industri produkzioa, 2008ko abuztuarekin alderatuta.

2008ko lehen bederatzi hiletako balantzea Industri Produkzioaren Indizearen %0,3ko murrizketa metatuarekin itxi da, aurreko urteko lehen bederatzi hilen aldean.

1. grafikoa: Euskal AEko Industri Produkzioaren Indizearen urte arteko hiru hileroko hazkunde zuzendua

Iturria: Eustat

Sektoreen araberako bilakaera

Sektoreen arabera, eta industri sektore nagusiak sailkatu ostean, 2008ko iraileko indizearen bilakaera Energian (%9,5) bakarrik hazi da , 2007ko irailaren aldean. Bitarteko ondasunek %-4,0ko jaitsiera izan dute; Ekipoko ondasunek %-4,5ekoa; eta Kontsumoko ondasunek %-10,1, Kontsumo iraunkorreko (%-19,6) eta ez-iraunkorreko (%-5,7) ondasunen jaitsieragatik.

Hona hemen 2008ko iraileko hil arteko aldakuntzak 2008ko abuztuaren aldean: Ekipoko ondasunek %-6,2ko jaitsiera izan dute; Bitarteko ondasunek %-1,5; eta Kontsumoko ondasunek %-2,2, batez ere Kontsumo iraunkorreko ondasunen jaitsieragatik (%-11,8), ez-iraunkorrekoak %1,8 igo baitziren. Energia %0,5 igo zen.

Lurralde Historikoen araberako bilakaera

Lurralde historikoei dagokienez, Industri Produkzioaren Indizearen urte arteko bilakaera negatiboa izan da hiru lurraldeetan: Araban %7,9 jaitsi da, Gipuzkoan %5,1 eta Bizkaian %0,7.

Hil arteko tasak, 2008ko iraila abuztuaren aldean, negatiboak izan dira, baita ere, hiru lurraldeetan: Gipuzkoan %3,6 jaitsi dira, Araban %2,6, eta Bizkaian %0,8.

Taula: 2008ko IRAILA. Euskal Autonomia Erkidegoko Industri Produkzio Indizearen aldaketa-tasak (%)

(1) t urteko urtarriletik azken hilera arte metatutako aldiaren urtetik urterako aldaketa-tasa da, t-1 urteko aldi berberaren aldean.

Iturria: Eustat