Eustatek landutako datuen arabera, 2008ko urrian %-5,2 murriztu zen Euskal AEko industri produkzioa lan-egutegiko baldintza homogeneotan, 2007ko hil beraren aldean.

Urtaroen eragina zuzenduta, %-0,7 murriztu zen Euskal AEko industri produkzioa, 2008ko irailarekin alderatuta.

2008ko lehen hamar hiletako balantzea Industri Produkzioaren Indizearen %-0,8ko murrizketa metatuarekin itxi da, aurreko urteko lehen hamar hilen aldean.

1. grafikoa: Euskal AEko Industri Produkzioaren Indizearen urte arteko hiru hileroko hazkunde zuzendua

(*) 2008ko urriko urte arteko hazkunde zuzendua

Iturria: Eustat

Sektoreen araberako bilakaera

Sektoreka eta industri sektore handien sailkapenaren arabera, 2008ko urriko indizearen bilakaerak hazkundeak izan zituen Energian (%8,0) eta Ekipoko ondasunetan (%1,3), 2007ko urriaren aldean. Tarteko ondasunek %-11ko jaitsiera izan dute; Kontsumoko ondasunek %-6,7koa, Kontsumo iraunkorreko ondasunen (%-18,8), eta ez-iraunkorrekoen (%-1,2) jaitsierengatik.

Hona hemen 2008ko urriko hil arteko aldakuntzak 2008ko irailaren aldean: Ekipoko ondasunek %3,1eko igoera izan dute; Kontsumoko ondasunek %2,0koa, Kontsumo ez-iraunkorreko ondasunen igoeragatik (%3,1), iraunkorrekoak %-1,0 jaitsi baitziren. Bitarteko ondasunak %-3,0 jaitsi ziren eta Energia %-4,3.

Lurralde Historikoen araberako bilakaera

Lurralde historikoei dagokienez, Industri Produkzioaren Indizearen urte arteko bilakaera negatiboa izan da hiru lurraldeetan: Araban %-1,4 jaitsi da, Bizkaian %-4,1 eta Gipuzkoan %-8,4.

Hil arteko tasak, 2008ko urria irailaren aldean, negatiboak izan dira Bizkaian (%-1,6) eta Gipuzkoan (%-1,5); Araban positiboa, %2,9.

Taula: 2008ko URRIA. Euskal Autonomia Erkidegoko Industri Produkzio Indizearen aldaketa-tasak (%)

(1) t urteko urtarriletik azken hilera arte metatutako aldiaren urtetik urterako aldaketa-tasa da, t-1 urteko aldi berberaren aldean.

Iturria: Eustat