2008ko bigarren hiruhilekoan, Euskal AEn 5.423 haur jaio ziren, iazko aldi berean baino %5,8 gehiago, Eustaten datuen arabera. Araban 811 haur jaio ziren, Bizkaian 2.764, eta Gipuzkoan 1.848.

Ezkontzaz kanpo jaiotakoek guztizkoaren %29,2 hartzen dute, eta 3,5 puntu igo dira 2007ko bigarren hiruhilekoaren aldean. Araba (%32,7) izan da Euskal AEko kopuru orokorra baino handiagoa izan duen lurralde bakarra. Bizkaian eta Gipuzkoan ehunekoak pixka bat txikiagoak dira, %28,9 eta %28,2 hurrenez hurren.

Jaiotza-hurrenkeraren arabera, 2008ko bigarren hiruhilekoan, erdiak baino gehiago, 2.930, lehenengo haurrak izan ziren; 2.084 (%38,4) aurretik beste bat zegoen familietara iritsi ziren; eta hirugarren eta ondorengoak %7,5era iritsi ziren. Gipuzkoan (%47), bigarren eta ondorengo seme-alaben kopurua Euskal AEko batez bestekoa (%46) baino handiagoa izan zen, eta hori herrialde historiko horretan baino ez zen gertatu. Aitzitik, Araban eta Gipuzkoan portzentaje hori ez zen gainditu, bi kasuetan %45,4 izan delarik.

Lau jaiotzatatik hirutan amak 30 urte baino gehiago zituen

Jaiotzak amaren adinaren arabera banatuz gero, oraindik ere nagusi da 3034 urteko amen taldea. Beraiek izan ziren, bigarren hiruhilekoan ere erditu zirenen ia erdiak. Ondoren, goragoko taldea dago, hau da, 3539 urte artekoa (%27,6) eta 2529ko taldea beherago geratu da, erditzeen %17,5 ekarri baititu. Muturreko adinak dituzten taldeetan, 25 urtez behera amatu zirenak %6,5 izan ziren, eta 40 urtez gorakoen taldeak, berriz, jaiotzen %4,8 ekarri zuen.

Ama ezkongabeen amatasun-adina ama izan direnen multzoarenaren azpitik dago; ama ezkongabeen %16,6 25 urtetik beherakoak baitziren, eta 25-29 urteen artekoak %23,2.

1.- taula: Bizirik jaioak Euskal AEn. Taula konparatiboa

Iturria: EUSTAT

1. grafikoa: Jaiotzen hilez hileko mugimendua

Oinarria 100 = b.b.

Iturria: EUSTAT