Eustatek landutako datuen arabera, lan-egutegiko baldintza homogeneotan, Euskal AEko industri produkzioak% 10 egin zuen behera 2008ko azaroan, aurreko urteko hilabete beraren aldean.

Urtaroen eragina zuzenduta, Euskal AEko industri produkzioa % 2,8 jaitsi zen, 2008ko urriarekin alderatuta.

2008ko lehenbiziko hamaika hiletako balantzea Industri Produkzio Indizearen % 1,8 murrizketarekin itxi zen, aurreko urteko aurreneko hamaika hilabeteen aldean.

1. grafikoa: Euskal AEko Industri Produkzio Indizearen urte arteko hazkunde zuzendua, hiruhilabeteka

(*) 2008ko urria-azaroko urte arteko hazkundea, zuzenduta

Iturria: Eustat

Sektoreen araberako bilakaera

Sektoreen arabera, eta industriako sektore nagusien sailkapenari jarraiki, 2008ko indizearen bilakaerak ondoko aldakuntzak izan zituen, 2007ko azaroaren aldean: sektore guztiek jaitsiera jasan zuten, Energia sektorea izan ezik, % 2,1 hazi baitzen. Bitarteko ondasunek % 16,1 egin zuten behera, ekipamendukoak % 7,1; kontsumo-ondasunek ere % 5,1eko murrizketa izan zuten, izan ere, bai Kontsumo-ondasun iraunkorrak (-% 16,6), bai kontsumo-ondasun ez iraunkorrak (-% 0,2) jaitsi egin ziren.

Horrez gain, 2008ko azaroko hil arteko aldakuntzak, 2008ko urriaren aldean, negatiboak izan dira ere bai, Energiaren kasuan izan ezik, aldaketarik ez baitu jasan (% 0,0). Ekipamenduko ondasunek % 4,3 egin zuten behera, bitartekoek % 3,1; kontsumo-ondasunek ere % 1,4ko murrizketa izan zuten, izan ere, bai Kontsumo-ondasun iraunkorrak (-% 1,3), bai kontsumo-ondasun ez iraunkorrak (-% 1,4) jaitsi egin ziren.

Lurralde historikoen araberako bilakaera

Lurralde historikoei dagokienez, Industri Produkzioaren Indizearen urte arteko bilakaerak negatiboak izan dira hiru lurralde historikoetan: % 7,2 jaitsi zen Araban, % 8,9 Bizkaian eta % 12,7 Gipuzkoan.

Hil arteko bilakaerak, 2008ko azaroa 2008ko urriaren aldean, negatiboak izan dira ere bai: % 5,3 jaitsi zen Araban, % 1,8 Bizkaian eta % 2,5 Gipuzkoan.

Taula: 2008ko URRIA. Euskal Autonomia Erkidegoko Industri Produkzio Indizearen aldaketa-tasak (%)

(1) t urteko urtarriletik azken hilera arte metatutako aldiaren urtetik urterako aldakuntza-tasa, t.-1 urteko aldi beraren aldean.

Iturria: Eustat