2009-04-30eko prentsa-oharra
ERAIKUNTZAKO KOSTUEN INDIZEA (EKI), 2009KO MARTXOA
Euskal AEko eraikuntzaren kostuak % 0,4 jaitsi dira 2009ko martxoan, aurreko hilearen aldean
Azken hamabi hilabeteetan (2008ko martxotik 2009ko martxora) eraikuntzaren kostuak % 1,0 igo dira.
EUSTATen datuen arabera, Euskal AEn eraikuntzaren kostuen indizeak % 0,4ko igoera izan du 2009ko martxoan, aurreko hilabetearen aldean; horrela, hilabete horretako urte arteko tasa % 1,0eraino igo da.
Urte arteko aldakuntza-tasak, 1997-2009
(*) Gehikuntza martxoko urte artekoa da
Iturria: EUSTAT
2009ko martxoan laneskuaren kostuak ez du inolako aldaketarik izan (% 0,0), baina lehengaien kostuak % 0,5 jaitsi dira.
Martxoan, eraikuntzaren eta obra zibilaren azpisektoreek antzeko bilakaera izan dute horien lehengaien kostuari dagokionez; aurreko hilabetearen aldean % 0,4 egin du behera eraikuntzak, eta obra zibilaren lehengaien kostuak % 0,7 egin du behera. Bi azpisektore horien urteko bilakaerari dagokionez, alde nabarmenak eman dira: eraikuntzako lehengaien kostuak % 2,1 gehitu dira, eta obra zibilekoek % 4,7 egin dute behera.
Sektorean kontsumitu diren lehengaien prezioari dagokionez, azken hamabi hilabeteetan inflazio-tasa handienak izan dituztenak ondokoak izan dira: ura (% 7,4), mineral ez-metalikoak (% 5,7), altzarien fabrikazioa (% 4,9) eta material elektronikoa (% 4,2). Beste alde batetik, urteko prezioetan beherakada izan dute (2008ko martxotik 2009ko martxora) hurrengo sektoreetako lehengaiek: petrolioaren birfinketa (-% 34,2), metalurgia (-% 11,1), zuraren industria (-% 0,7), material elektrikoa (-% 0,2) eta energia elektrikoa eta gasa (-% 0,9).
ERAIKUNTZAREN KOSTUEN INDIZEA. EUSKAL AE. DATU AURRERAPENA. MARTXOA 2009
Iturria: EUSTAT
Argibide gehiago:
Euskal Estatistika Erakundea
Donostia-San Sebastian kalea, 1. 01010 Vitoria-Gasteiz
Tel.:+34-945-01 75 00 Faxa: +34-945-01 75 01 Helb. elek.: eustat@eustat.es
Harremanetarako pertsona: Gerardo Pérez Aja
Tel.:+34-945-01 75 06 Faxa:+34-945-01 75 01
Prentsa-oharrak Interneten: www.eustat.es
Datu-bankua: www.eustat.eus/bancopx/euskara/indice.aspx