2010/02/11ko prentsa-oharra
Euskal AEko BPGk %0,2ko hazkundea izan zuen hiruhilekoen artean
Laugarren hiruhilekoko urte arteko aldakuntza %-2,5 izan da
Euskal AEko Barne Produktu Gordinak (BPG) %0,2ko hazkundea izan du 2009ko laugarren hiruhilekoan aurrekoaren aldean, urtaro- eta egutegi-eraginak deskontaturik, Eustaten aurrerapen-datuen arabera. 2008an hasitako erorketetatik lehenengo hazkunde positiboa da, eta “Instituto Nacional de Estadísticak” egindako zenbatespenen arabera, Espainiako ekonomiarenaren (%-0,1) hiru hamarren gainetik dago.
Aurreko urteko hiruhileko beraren aldean Euskal AEko BPGren urte arteko aldaketa %-2,5 izan da. Hazkunde negatiboa moteldu egin da eta lehengo hiruhilekoan izandako urte arteko minimotik (%-4,1) joera-aldaketa dago; beherantzako etengabea 2007ko lehen hiruhilekoan hasia zen. Urte artekoan Espainiako ekonomia %3,1 jaitsi da.
Urte osoan Euskal BPGren hazkunde erreala %-3,3 izan da.
Hona hemen joera-aldaketa honen zergatiak: industria hobetoxeago aritu da, eraikuntza gutxiago murriztu eta merkatuko zerbitzuen bilakaera hobea izan da.
Bizkortze apal honek enplegu-sorrera arin bati eragin dio, aurreko hiruhilekoaren aldean.
Argibide gehiago nahi izanez gero:
Euskal Estatistika Erakundea
Donostia-San Sebastián kalea 1, 01010 Vitoria-Gasteiz.
Tel.:+34-945-01 75 00 Faxa: +34-945-01 75 01 Helb. elek.: eustat@eustat.es
Harremanetarako pertsona: Javier Aramburu
Tel:+34-945-01 75 80 Faxa:+34-945-01 75 01
Prentsa-oharrak Interneten: www.eustat.es
Datu-bankua: www.eustat.eus/bancopx/euskara/indice.aspx