2010/03/31ko prentsa-oharra
Euskal AEko eraikuntzako kostuak %0,2 igo ziren 2010eko otsailean aurreko hilaren aldean
Azken hamabi hilabeteetan (2010eko otsaila, 2009koarekin alderatuta) eraikuntzaren kostuek %0,6ko gehikuntza izan dute.
2010eko otsailean, Euskal AEko Eraikuntzaren Kostuen Indizea %0,2 igo zen, aurreko hilaren aldean, eta urte arteko tasa %0,6 igo zen, EUSTATen datuen arabera.
2010eko otsailean, lan-eskuaren kostua ez da aldatu (%0,0); lehengaien kostuak, berriz, %0,2 igo dira.
Otsailean Etxegintza eta Obra Zibila azpisektoreek goranzko bilakaera izan zuten lehengaien kostuari dagokionez. Etxegintzaren atalean %0,2ko igoera aurreko hilaren aldean, eta Obra Zibilarenean %0,4. Bi azpisektore horien urte arteko bilakaeran badira zenbait ezberdintasun: Etxegintzako lehengaien kostuak %0,4 jaitsi ziren; Obra zibilekoak, berriz, %3,0 igo.
Sektorean kontsumitu diren lehengaien prezioari dagokionez, azken hamabi hilabeteetan inflazio-tasa handienak izan dituztenen artean Petrolio-fintzea (%29,6) nabarmentzen da. Ondoko sektoreetan ere igo dira prezioak: Material elektrikoa (%2,0), Kautxu eta plastikoa (%1,2), eta Ez-metalezko industria (%0,9) . Urte artean (2009ko otsailetik aurtengora) ondokoek izan dituzte prezio-murrizketak: Metalurgia (%-6,0), Energia elektrikoa eta gasa (%-5,9), Zurgintza (%-4,5), eta Metalezko gaiak (%-2,5), besteren artean.
Argibide gehiago nahi izanez gero:
Euskal Estatistika Erakundea / Instituto Vasco de Estadística
Donostia-San Sebastián kalea, 1 01010 Vitoria-Gasteiz
Tel:+34-945-01 75 00 Faxa:+34-945-01 75 01 Posta elek.: eustat@eustat.es
Harremanetarako pertsona: Gerardo Pérez Aja
Tel:+34-945-01 75 06 Faxa:+34-945-01 75 01
Eraikuntzako Kostuen Indizeari buruzko Prentsa-oharrak
Eraikuntzako Kostuen Indizeari buruzko Datu-bankua