2010-04-30eko prentsa-oharra
Euskal AEko eraikuntzaren kostuak %0,1 igo dira 2010eko martxoan, aurreko hilearen aldean
Azken hamabi hilabeteetan (2009ko martxotik 2010eko martxora) eraikuntzaren kostuak %1,0 igo dira.
EUSTATen datuen arabera, Euskal AEn eraikuntzaren kostuen indizeak %0,1eko igoera izan du 2010eko martxoan, aurreko hilabetearen aldean; horrela, hilabete horretako urte arteko tasa %1,0eraino igo da.
2010eko martxoan laneskuaren kostuak ez du inolako aldaketarik izan (%0,0), baina lehengaien kostuak %0,1 igo dira.
Martxoan, Eraikuntzaren eta Obra Zibilaren azpisektoreek bilakaera ezberdina izan dute lehengaien kostuari dagokionez: eraikuntzak %0,1eko jaitsiera izan du aurreko hilabetearen aldean, eta Obra Zibilerako lehengaien kostuek %0,9ko igoera. Bi azpisektore horien urte arteko bilakaerari dagokionez ere, bilakaera ezberdinak eman dira: eraikuntzako lehengaien kostuak %0,1 jaitsi dira, eta obra zibilekoak %4,6 igo.
Sektorean kontsumitu diren lehengaien prezioari dagokionez, azken hamabi hilabeteetan inflazio-tasa handiena izan duena petrolioaren birfinketaren (%40,3) sektorea izan da. Prezioetan igoera positiboak izan dituzten beste sektore batzuk honakoak izan dira: industria ez metalikoa (%1,7), industria kimikoa (%1,0) eta material elektrikoa (%0,8), besteak beste. Beste alde batetik, urteko prezioetan (2009ko martxotik 2010eko martxora) beherakada izan dute, besteak beste: energia elektrikoa eta gasa sektoreko lehengaiek (-%7,9), gai metalikoak (-%2,7), metalurgia (-%2,4) eta material elektrikoa (-%2,3).
Argibide gehiago:
Euskal Estatistika-Erakundea / Instituto Vasco de Estadística
Donostia-San Sebastian kalea, 1. 01010 Vitoria-Gasteiz
Tel.:+34-945-01 75 00 Faxa: +34-945-01 75 01 Helb. elek.: eustat@eustat.es
Harremanetarako pertsona: Gerardo Pérez Aja
Tel.:+34-945-01 75 06 Faxa:+34-945-01 75 01
Prentsa-oharrak Interneten: Eraikuntzaren kostuen indizea
Datu-bankua: Eraikuntzaren kostuen indizea