2010/10/29ko prentsa-oharra
Euskal AEko eraikuntzaren kostuak %0,3 jaitsi ziren 2010eko irailean aurreko hilaren aldean
Azken hamabi hilabeteetan (2010eko iraila, 2009koarekin alderatuta) eraikuntzaren kostuak %0,5 gehitu dira
2010eko irailean, Euskal AEko Eraikuntzaren Kostuen Indizea %0,3 jaitsi zen, aurreko hilaren aldean, eta urte arteko tasa %0,5 igo zen, EUSTATen datuen arabera.
2010eko irailean, lan-eskuaren kostua ez da aldatu (%0,0); lehengaien kostuak, berriz, %0,4 jaitsi dira.
Irailean Etxegintza eta Obra Zibila azpisektoreek beherantzako bilakaera izan zuten lehengaien kostuari dagokionez. Etxegintzan %0,4ko jaitsiera aurreko hilaren aldean, eta Obra Zibilarenean %0,3koa. Bi azpisektore horien urte arteko bilakaeran badira zenbait ezberdintasun: Etxegintzako lehengaien kostuak %0,3 jaitsi ziren; Obra zibilekoak, berriz, %2,8 igo.
Sektorean kontsumitu diren lehengaien prezioari dagokionez, azken hamabi hilabeteetan inflazio-tasa handienak izan dituztenen artean, Petrolio-fintzea (%19,1), Metalurgia (%14,9), Energia elektrikoa eta gasa (%4,5) eta Material elektrikoa (%2,0) nabarmentzen dira. Berriz, urteko prezioetan (2010eko iraila 2009koaren aldean) jaitsierak izan dituzte ondoko sektoreetako lehengaiek: Ez-metalezko mineralak (%-4,2), Metalezko artikuluak (%-0,5) eta Ez-metalezko industria (%-0,1).
Argibide gehiago nahi izanez gero:
Euskal Estatistika-Erakundea / Instituto Vasco de Estadística
Donostia-San Sebastián kalea, 1 01010 Vitoria-Gasteiz
Tel:+34-945-01 75 00 Faxa:+34-945-01 75 01 Posta elek.: eustat@eustat.eus
Harremanetarako pertsona: Gerardo Pérez Aja
Tel:+34-945-01 75 06 Faxa:+34-945-01 75 01
Euskal AEko Eraikuntzako Kostuen Indizeari buruzko prentsa-ohar gehiago
Euskal AEko Eraikuntzako Kostuen Indizeari buruzko datu-bankua