HomeGaiakIndustria produkzioaren indizea (IPI)Prentsa Oharrak Euskal AEko industri...

2010/10/05eko prentsa-oharra

EUSKAL AEKO INDUSTRI PRODUKZIOAREN INDIZEA (IPI) 2010eko abuztua

Euskal AEko industri jarduera %6,7 hazi zen 2010eko abuztuan

Euskal AEko industri produkzioa, aurreko hilarekin, 2010eko uztailarekin alderatuta %1,0 igo zen

Eustatek landutako datuen arabera, 2010eko abuztuan, lan-egutegiko termino homogeneoetan %6,7 hazi zen Euskal AEko industri produkzioa, 2009ko hil beraren aldean. Urtaroen eragina zuzenduta, %01,0 hazi zen Euskal AEko industri produkzioa, 2010eko uztailarekin alderatuta.

Sektoreen arabera, eta industri sektore nagusiak sailkatu ostean, 2010eko abuztuko indizearen bilakaerak den-denen igoerak erakusten ditu, 2009koaren aldean. Energia %8,4 igo da, Ekipo-ondasunak %4,8, Bitarteko ondasunak %1,7; Kontsumo-ondasunak %7,9. Azken horien barruan, Kontsumo-ondasun iraunkorrak %5,2 igo dira eta Kontsumo-ondasun ez-iraunkorrak %8,3.

Hil artekoa, 2010eko abuztuan uztailaren aldean, negatiboa izan da Bitarteko ondasunetarako, (%-2,8). Gainerako sektoreetan bilakaera positiboa: Energia %3,0; Ekipo-ondasunak %1,0 hazi dira uztailaren aldean, eta Kontsumo-ondasunak %2,2, batez ere Kontsumo-ondasun ez-iraunkorrengatik (%2,8), Kontsumo-ondasun iraunkorrak gutxiago (%0,3) hazi baitira.

2010eko abuztuan hazkunderik handienak izandako sektoreak, aurreko urteko hil beraren aldean, Kautxu eta plastikoa (%24,6) eta Petrolio fintzea (%15,7) izan dira.

Urte arteko tasetan Metalezko eta ez-metalezko mineralek (%-12,8) eta Ez-metalezko industriak (%-4,1) izan dituzte erorketarik handienak.

Abuztuko Industri Produkzioaren Indizearen urte arteko bilakaera positiboa izan da Araban (%17,4), Bizkaian (%6,2) eta Gipuzkoan (%2,9). Hil arteko hazkunde-tasa positiboa izan da Araban (%2,5) eta Bizkaian (%1,1) 2010eko uztailaren aldean. Gipuzkoan (%0,0) aldaketarik ez.