2010/11/29ko prentsa-oharra
Euskal AEko eraikuntzaren kostuak %0,1 jaitsi ziren 2010eko urrian aurreko hilaren aldean
Azken hamabi hilabeteetan (2010eko urria, 2009koarekin alderatuta) eraikuntzaren kostuak %0,5 gehitu ziren
2010eko uztailean, Euskal AEko Eraikuntzaren Kostuen Indizea %0,1 jaitsi zen, aurreko hilaren aldean, eta urte arteko tasa %0,5 igo zen, EUSTATen datuen arabera.
2010eko urrian, lan-eskuaren kostua ez da aldatu (%0,0); lehengaien kostuak, berriz, %0,2 jaitsi dira.
Urrian Etxegintza eta Obra Zibila azpisektoreek beherantzako bilakaera izan zuten lehengaien kostuari dagokionez. Bietan %0,2ko jaitsiera aurreko hilaren aldean. Bi azpisektore horien urte arteko bilakaeran badira zenbait ezberdintasun: Etxegintzako lehengaien kostuak %0,2 jaitsi ziren; Obra zibilekoak, berriz, %2,5 igo.
Sektorean kontsumitu diren lehengaien prezioari dagokionez, azken hamabi hilabeteetan inflazio-tasa handienak izan dituztenen artean, Petrolio-fintzea (%15,3), Metalurgia (%13,6), Energia elektrikoa eta gasa (%4,2) eta Industria kimikoa (%2,6) nabarmentzen dira. Berriz, urteko prezioetan (2010eko urria 2009koaren aldean) jaitsierak izan dituzte ondoko sektoreetako lehengaiek: Ez-metalezko mineralak (%-3,5), Zurgintza (%-0,7), eta Altzarigintza (%-0,2).
Argibide gehiago:
Euskal Estatistika Erakundea / Instituto Vasco de Estadística
Donostia-San Sebastián kalea, 1 01010 Vitoria-Gasteiz
Tel.: +34-945-01 75 00 Faxa: +34-945-01 75 01 Helbide elektronikoa: eustat@eustat.eus
Harremanetarako pertsona: Gerardo Pérez Aja
Tel:+34-945-01 75 06 Faxa:+34-945-01 75 01
Euskal AEko Eraikuntzako Kostuen Indizeari buruzko prentsa-ohar gehiago
Euskal AEko Eraikuntzako Kostuen Indizeari buruzko datu-bankua