2011/01/28ko prentsa-oharra
Euskal AEko eraikuntza kostuak %0,6 igo ziren 2010eko abenduan aurreko hilaren aldean
Azken hamabi hilabeteetan (2010eko abendua, 2009koarekin alderatuta) eraikuntza kostuak %1,2 gehitu dira
2010eko abenduan, Euskal AEko Eraikuntzaren Kostuen Indizea %0,6 igo zen, aurreko hilaren aldean, eta urte arteko tasa hil horretarako %1,2 igo zen, EUSTATen datuen arabera.
2010eko abenduan, lan-eskuaren kostua ez da aldatu (%0,0); lehengaien kostuak, berriz, %0,8 igo dira.
Abenduan Etxegintza eta Obra Zibila azpisektoreek goranzko bilakaera izan zuten lehengaien kostuari dagokionez. Etxegintzan %0,6ko igoera aurreko hilaren aldean, eta Obra Zibilarenean %1,6koa. Bi azpisektore horien urte arteko bilakaeran badira zenbait ezberdintasun: Etxegintzako lehengaien kostuak %0,4 igo ziren; Obra zibilekoak %4,2.
Sektorean kontsumitu diren lehengaien prezioari dagokionez, azken hamabi hilabeteetan inflazio-tasa handienak izan dituztenen artean, Petrolio-fintzea (%23,7), Metalurgia (%16,5), Energia elektrikoa eta gasa (%9,0) eta Kautxu eta plastikoa (%4,2) nabarmentzen dira, besteren artean. Berriz, urteko prezioetan (2010eko abendua 2009koaren aldean) jaitsierak izan dituzte ondoko sektoreetako lehengaiek: Ez-metalezko mineralak (%-3,7), eta Zurgintza (%-0,9),
Argibide gehiago:
Euskal Estatistika Erakundea / Instituto Vasco de Estadística
Donostia-San Sebastián kalea, 1 01010 Vitoria-Gasteiz
Tel.: +34-945-01 75 00 Faxa: +34-945-01 75 01 Helbide elektronikoa: eustat@eustat.eus
Harremanetarako pertsona: Gerardo Pérez Aja
Tel.:+34-945-01 75 06 Faxa:+34-945-01 75 01
Euskal AEko Eraikuntzako Kostuen Indizeari buruzko prentsa-ohar gehiago
Euskal AEko Eraikuntzako Kostuen Indizeari buruzko datu-bankua