2010-02-10eko prentsa-oharra
Euskal AEko PBGk urte arteko % 0,8ko hazkunde positiboa izan du
Aurreko hiruhilekoarekiko % 0,2ko bariazioa egon da
EUSTATek egindako datuen arabera, Euskal AEko Barne Produktu Gordinak (BPG) urte arteko % 0,8ko hazkunde positiboa izan du, aurreko urteko hiruhileko berdinarekin alderatuz gero, urtaroen eta egutegiaren ondorioak kendu ondoren. Urte arteko hazkunde positiboa egon den hirugarren hiruhilekoa izan da jarraian, sei hiruhilekotan jarraian emaitza negatiboak izan eta gero. Espainiako ekonomiaren urte arteko hazkundea% 0,6koa izan da Espainiako Bankuak aurreratutako datuen arabera.
Aurreko hiruhilabetekoarekin alderatuz gero, Euskal AEko BPGren hazkunde tasak 2010eko laugarren hiruhilekoan % 0,2ko tasa izan du. Honek esan nahi du hazkunde positiboetara itzuli dela, hirugarren hilabetean hiruhilabete arteko hazkunderik ez baitzen egon. Espainiako ekonomiarako zenbatetsitako tasaren berdina da hau.
Urte osoan Euskal AEko BPGaren hazkunde erreala % 0,3koa dela uste da, behin-behineko datuetan.
Eskaintzaren ikuspegitik hiruhileko honetako urte arteko hazkundearen oinarriak industriaren eta merkatuko zerbitzuen jokaera erlatibo hobean daude. Ez merkatuko zerbitzuen ibilbidea moderatua da eta eraikuntzaren bilakaera berriro ere negatiboa da.
Enpleguari dagokionez, lanpostuak gutxitu egin dira bai urte arteko terminoetan bai aurreko hiruhilekoari dagokionez. 2010eko bilakaera ere negatiboa izan da.
Argibide gehiago:
Euskal Estatistika Erakundea / Instituto Vasco de Estadística
Donostia-San Sebastián, 1. 01010 Vitoria-Gasteiz
Tel.: +34-945-01 75 00 Faxa: +34-945-01 75 01 Helbide elek.: eustat@eustat.eus
Harremanetarako: Javier Aramburu
Tel.:+34-945-01 75 80 Faxa:+34-945-01 75 01
Euskal AEKo Hiruhilekoko kontu ekonomikoen aurrerapenaren gaineko prentsa-ohar gehiago
Euskal AEKo Hiruhilekoko kontu ekonomikoen aurrerapenaren gaineko datu-bankua