2011/02/28ko prentsa-oharra
Euskal AEko eraikuntza kostuak %0,8 igo ziren 2011ko urtarrilean aurreko hilaren aldean
Azken hamabi hilabeteetan 2010eko urtarriletik 2011kora) eraikuntza kostuak %0,6 igo dira.
2011ko urtarrilean, Euskal AEko Eraikuntzaren Kostuen Indizea %0,8 igo zen, aurreko hilaren aldean, eta urte arteko tasa hil horretarako %0,6 igo zen, EUSTATen datuen arabera.
2011ko urtarrilean, lan-eskuaren kostua %1,5 igo zen; lehengaien kostuak, berriz, %0,6.
Urtarrilean Etxegintza eta Obra Zibila azpisektoreek goranzko bilakaera izan zuten lehengaien kostuari dagokionez. Etxegintzan %0,6ko igoera aurreko hilaren aldean, eta Obra Zibilarenean %0,9koa. Bi azpisektore horien urte arteko bilakaeran badira zenbait ezberdintasun: Etxegintzako lehengaien kostuak %0,3 jaitsi ziren; Obra zibilekoak, berriz, %3,1 igo.
Sektorean kontsumitu diren lehengaien prezioari dagokionez, azken hamabi hilabeteetan inflazio-tasa handienak izan dituztenen artean, Kokeriak eta petrolio-fintzea (%20,3), Energia elektrikoa, gasa eta lurruna (%20,1), Metalurgia (%18,4), eta Kautxu eta plastikozko produktuak (%6,1) nabarmentzen dira, besteren artean. Berriz, urteko prezioetan (2011ko urtarrila 2010ekoaren aldean) jaitsierak izan dituzte ondoko sektoreetako lehengaiek: Erauzketa industriak (%-7,3), Zura eta artelazkia, altzariak izan ezik (%-0,4), Ez-metalezko industria (%0,8), Produktu informatiko eta elektronikoak (%0,9).
Eraikuntza Kostuen Indizea Ohar metodologikoa
2011ko urtarrileko Eraikuntza Kostuen Indizeen zabalkundearekin batera, Eustatek aldaketa bat gauzatu du erabilitako jarduera ekonomikoen sailkapenean (JESN). CNAE-93 JESN-2009 sailkapenaz ordeztu da.
Argibide gehiago:
Euskal Estatistika Erakundea / Instituto Vasco de Estadística
Donostia-San Sebastián kalea, 1 01010 Vitoria-Gasteiz
Tel.: +34-945-01 75 00 Faxa: +34-945-01 75 01 Helbide elektronikoa: eustat@eustat.eus
Harremanetarako pertsona: Gerardo Pérez Aja
Tel.:+34-945-01 75 06 Faxa:+34-945-01 75 01
Euskal AEko Eraikuntzako Kostuen Indizeari buruzko prentsa-ohar gehiago
Euskal AEko Eraikuntzako Kostuen Indizeari buruzko datu-bankua