2011-09-29ko prentsa-oharra
Euskal AEko eraikuntzaren kostuek % 0,2 egin dute behera 2011ko abuztuan, aurreko hilaren aldean
Azken hamabi hilabeteetan (2010eko abuztutik 2011ko abuztura) eraikuntzaren kostuak % 0,5 igo dira.
EUSTATen datuen arabera, Euskal AEko Eraikuntzaren Kostuen Indizeak % 0,2 egin du behera 2011ko abuztuan, aurreko hilabetearen aldean; horrela, hilabete horretako urte arteko tasa % 0,5eraino igo da.
Aurreko hilabetearekin alderatuta, 2011ko abuztuan laneskuaren kostuak ez du inolako aldaketarik izan (% 0,0), baina lehengaien kostuek % 0,3ko beherapena izan dute.
Eraikuntza eta obra zibila azpisektoreetako lehengaien kostuek antzeko bilakaera izan dute abuztuan, baina intentsitate ezberdinekoa; aurreko hilabetearen aldean % 0,2 egin dute behera eraikuntzako kostu horiek eta obra zibilaren kostuek beherapen handiagoa izan dute, % 0,8koa. Bi azpisektore horien urte arteko bilakaera aztertuta ikusten da eraikuntzako lehengaien kostuek % 0,3 egin dutela behera baina obra zibileko kostuek % 2,8 egin dutela gora.
Sektorean kontsumitu diren lehengaien prezioari dagokionez, azken hamabi hilabeteetan inflazio-tasa handiena izan dutenak, besteak beste, energia elektrikoa, gasa eta lurrina (% 21,0); petrolioaren birfinketa (% 20,0) eta metalgintza (% 8,0) sektoreak izan dira. Baina ondoren ematen diren sektoreetako lehengaien prezioak urte batetik bestera (2010eko abuztutik 2011ko abuztura) txikitu egin dira edo igoera txikiagoa izan dute: erauzteko industriak (-% 6,4); metalikoak ez diren beste produktu mineral batzuen fabrikazioa (% 0,4) eta altzarien fabrikazioa eta manufakturen beste industria batzuk (% 1,1).
Argibide gehiago:
Euskal Estatistika Erakundea
Donostia-San Sebastián, 1. 01010 Vitoria-Gasteiz
Tel.:+34-945-01 75 00 Faxa:+34-945-01 75 01 Helbide elektronikoa: eustat@eustat.eus
Harremanetarako pertsona: Gerardo Pérez Aja
Tel.:+34-945-01 75 06 Faxa:+34-945-01 75 01
Euskal AEko Eraikuntzako Kostuen Indizeari buruzko prentsa-ohar gehiago.
Euskal AEko Eraikuntzako Kostuen Indizeari buruzko datu-bankua.