2011/11/10eko prentsa-oharra
Euskal AEko BPG urte arteko % 0,6 hazi da 2011ko hirugarren hiruhilekoan
Aurreko hiruhilekoaren aldean hazkundea nulua izan da (%0,0)
Euskal AEko Barne Produktu Gordinak (BPG) %0,6ko hazkundea izan du 2011ko hirugarren hiruhilekoan aurreko urteko hiruhileko beraren aldean, urtaro- eta egutegi-eraginak deskontaturik, Eustatek aurreratutako datuen arabera. Datu hori kontuan hartuta, hazkundea aurreko hiruhilekokoa baino bi hamarren txikiagoa da. Urte artekoan, Espainiako ekonomia %0,7 hazi da, Espainiako Bankuak egindako zenbatespenaren arabera.
Hiruhileko arteko inongo hazkunderik ez da izan 2011ko hirugarren hiruhilekoan Euskal AEko BPGan, (0,0%). Zifra hau aurreko hiruhilekoko bilakaera baino bi hamarren txikiagoa da eta Espainiako ekonomiak izandakoaren berdina, Espainiako Bankuak hirugarren hiruhilekorako egindako zenbatespenaren arabera.
Urte arteko zein hiruhilekoen arteko BPGaren jokaera hau eraikuntzaren bilakaera negatiboak eta industriaren dezelerazioak eragin dute, zerbitzuen sektorearen portaera hobearekin batera.
Enpleguak bestalde behera egin du, aurreko urteko hiruhileko beraren aldean (0,7ko jaitsiera); aurreko hiruhilekoaren aldean ere bilakaera negatiboa izan da (0,4ko jaitsiera).
Argibide gehiago:
Euskal Estatistika Erakundea / Instituto Vasco de Estadística
Donostia-San Sebastián, 1. 01010 Vitoria-Gasteiz
Tel.: +34-945-01 75 00 Faxa: +34-945-01 75 01 Helbide elek.: eustat@eustat.es
Harremanetarako pertsona: Javier Aramburu
Tel.:+34-945-01 75 80 Faxa:+34-945-01 75 01
Euskal AEKo Hiruhilekoko kontu ekonomikoen aurrerapenaren gaineko prentsa-ohar gehiago
Euskal AEKo Hiruhilekoko kontu ekonomikoen aurrerapenaren gaineko datu-bankua