2012/01/30eko prentsa-oharra
Euskal AEko eraikuntzaren kostuak % 0,6 igo ziren 2011ko abenduan, aurreko hilaren aldean
Azken hamabi hilabeteetan (2010eko abendutik 2011ko abendura) eraikuntzaren kostuak % 1,8 igo dira.
Euskal AEko Eraikuntzaren Kostuen Indizea: EUSTATen datuen arabera, Euskal AEn eraikuntzako kostuen indizeak % 0,6 egin du gora 2011ko abenduan, aurreko hilabetearen aldean; bestalde, hilabete horretako urte arteko tasa % 1,8 igo da.
Aurreko hilabetearekin alderatuta, 2011ko abenduan eskulanaren kostuak ez du aldaketarik izan (% 0,0); lehengaien kostuek, ordea, % 0,8 egin dute gora.
Eraikuntza eta Obra Zibila azpisektoreetako lehengaien kostuek antzeko bilakaera izan dute abenduan: Eraikuntzakoen kostuak % 0,8 igo dira, eta Obra Zibilekoek
% 0,6 egin dute gora, aurreko hilabetearekin erkatuta. Bi azpisektore horien urte arteko bilakaera aztertuta ikusten da Eraikuntzako lehengaien kostuek % 1,4 egin dutela gora, eta Obra Zibilekoek % 3,6.
Sektorean kontsumitu diren lehengaien prezioei dagokienez, hamabi hilabeteotan inflazio-tasa handiena izan dutenak, besteak beste, Energia elektrikoa, gasa eta lurruna (% 20,1) Petrolioaren birfinketa (% 15,8), eta Industria kimikoa (% 6,7) izan dira. Baina ondoren ematen direnetan lehengaien prezioek urte batetik bestera (2010eko abendutik 2011ko abendura) behera egin dute edo igoera txikiagoa izan dute: Metalikoak ez diren beste produktu mineral batzuen fabrikazioa (-% 0,1) Informatikako, elektronikako eta optikako produktuen fabrikazioa (% 0,2) eta Metalurgia (% 0,3).
Argibide gehiago:
Euskal Estatistika Erakundea / Instituto Vasco de Estadística
Donostia-San Sebastián, 1. 01010 Vitoria-Gasteiz
Tel.:+34-945-01 75 00 Faxa:+34-945-01 75 01 Helbide elektronikoa: eustat@eustat.eus
Harremanetarako pertsona: Gerardo Pérez Aja
Tel.:+34-945-01 75 06 Faxa:+34-945-01 75 01
Euskal AEko Eraikuntzako Kostuen Indizeari buruzko prentsa-ohar gehiago.
Euskal AEko Eraikuntzako Kostuen Indizeari buruzko datu-bankua.