2012/02/10eko prentsa-oharra
Euskal AEko BPGk urte arteko % 0,2ko hazkunde positiboa izan du
Aurreko hiruhilekoaren aldean, bilakaera negatiboa izan da (-% 0,2)
EUSTATek aurreratutako datuen arabera, Euskal AEko Barne Produktu Gordinak (BPG) urte arteko % 0,2ko hazkunde positiboa izan du, aurreko urteko hiruhileko berdinarekin alderatuz gero, urtaroen eta egutegiaren ondorioak kendu ondoren. Urte arteko bilakaeran 2011ko beheranzko joera ixten du datu honek. Espainiako ekonomiaren urte arteko hazkundea % 0,3koa izan da, Estatistikako Institutu Nazionalak aurreratutako datuen arabera.
Aurreko hiruhilekoarekin alderatuz gero, 2011ko laugarren hiruhilekoan Euskal AEko BPGren hazkunde tasak % 0,2ko balio negatiboa izan du, azken zortzi hiruhilekoetako balio positiboen ondoren aurreneko datu negatiboa. Tasa hau Espainiako ekonomiarako zenbatetsi dena baino hamarren negatibo bat gutxiago da.
Urte osoan Euskal AEko BPGren hazkunde erreala % 0,6an zenbatetsi da, behin-behineko datuetan.
Eskaintzaren ikuspegitik, hiruhileko honetako urte arteko hazkundearen oinarriak merkatuko zerbitzuen jokaera erlatiboki hobean daude. Ez merkatuko zerbitzuen bilakaera negatiboa izan da, industriarena bezala; bilakaera negatiborik nabarmenena eraikuntzarena izan da.
Enpleguari dagokionez, lanpostuak gutxitu egin dira bai urte arteko terminoetan bai aurreko hiruhilekoari dagokionez. 2011 osorako ere, bilakaera negatiboa izan da.
Argibide gehiago:
Euskal Estatistika Erakundea / Instituto Vasco de Estadística
Donostia-San Sebastián, 1. 01010 Vitoria-Gasteiz
Tel.: +34-945-01 75 00 Faxa: +34-945-01 75 01 Helbide elek.: eustat@eustat.es
Harremanetarako pertsona: Javier Aramburu
Tel.:+34-945-01 75 80 Faxa:+34-945-01 75 01
Euskal AEKo Hiruhilekoko kontu ekonomikoen aurrerapenaren gaineko prentsa-ohar gehiago
Euskal AEKo Hiruhilekoko kontu ekonomikoen aurrerapenaren gaineko datu-bankua