2012/03/28ko prentsa-oharra
Euskal AEko eraikuntza kostuak %0,3 igo ziren 2012ko otsailean aurreko hilaren aldean
Azken hamabi hilabeteetan (2012ko otsaila, 2011koarekin alderatuta) eraikuntzaren kostuek %1,1eko gehikuntza izan dute.
2012ko otsailean, Euskal AEko Eraikuntzaren Kostuen Indizea %0,3 igo zen, aurreko hilaren aldean, eta urte arteko tasa %1,1 igo zen, EUSTATen datuen arabera.
2012ko otsailean, lan-eskuaren kostua ez da aldatu (%0,0); lehengaien kostuak, berriz, %0,4 igo dira.
Otsailean Etxegintza eta Obra Zibila azpisektoreek igoerak izan dituzte lehengaien kostuari dagokionez. Etxegintzan %0,3koa aurreko hilaren aldean, eta Obra Zibilarenean %0,7ko igoera. Bi azpisektore horien urte arteko bilakaeran badira zenbait ezberdintasun: Etxegintzako lehengaien kostuak %0,6 igo ziren; Obra zibilekoak %2,9.
Sektorean kontsumitu diren lehengaien prezioari dagokionez, azken hamabi hilabeteetan inflazio-tasa handienak izan dituztenen artean, Petrolio-fintzea (%15,8), Energia elektrikoa eta gasa (%13,5) eta Industria kimikoa (%6,0) nabarmentzen dira. Berriz, urteko prezioetan (2012ko otsaila 2011koaren aldean) jaitsierak edo igoera txikiagoak izan dituzte ondoko sektoreetako lehengaiek: Metalurgia (%-1,7), Erauzketa industriak (%-0,7), Mineral ez-metalezkoen beste produktuen fabrikazioa (%-0,4) eta Altzarigintza eta beste manufaktura-industriak (%-0,2).
Informazio gehiago:
Euskal Estatistika Erakundea / Instituto Vasco de Estadística
Donostia-San Sebastián, 1. 01010 Vitoria-Gasteiz
Tel.:+34-945-01 75 00 Faxa:+34-945-01 75 01 Helbide elektronikoa: eustat@eustat.eus
Harremanetarako pertsona: Gerardo Pérez Aja
Tel.:+34-945-01 75 06 Faxa:+34-945-01 75 01
Euskal AEko Eraikuntzako Kostuen Indizeari buruzko prentsa-ohar gehiago.
Euskal AEko Eraikuntzako Kostuen Indizeari buruzko datu-bankua.