2012/04/04ko prentsa-oharra
Euskal AEko industri jarduera %4,9 murriztu zen 2012ko otsailean
Euskal AEko industri produkzioa, aurreko hilarekin, 2012ko urtarrilarekin alderatuta %0,1 igo zen
Eustatek landutako datuen arabera, 2012ko otsailean %4,9 murriztu zen Euskal AEko industria produkzioa lan-egutegiko baldintza homogeneoetan, 2011ko hil beraren aldean. Urtaroen eragina zuzenduta, %0,1 hazi zen Euskal AEko industri produkzioa, 2012ko urtarrilarekin alderatuta.
Sektoreen arabera, eta industri sektore nagusiak sailkatu ostean, 2012ko otsaileko indizearen bilakaerak alde nabarmenak erakusten ditu, 2011koaren aldean. Ekipo-ondasunak %2,6 hazi dira; Bitarteko ondasunak %7,1 jaitsi, eta Kontsumo-ondasunak %6,4 jaitsi. Azken horien barruan, Kontsumo-ondasun iraunkorrak %8,3 jaitsi dira eta Kontsumo-ondasun ez-iraunkorrak %5,9. Energia %12,7 jaitsi da.
2012ko otsaileko hil arteko aldakuntza, 2012ko urtarrilaren aldean, oso bestelakoa izan da industri talde handietan. Tarteko ondasunak %0,8 jaitsi dira, Ekipoko ondasunak %0,5. Energia %2,3 igo da, Kontsumoko ondasunak, guztira, %3,5 jaitsi dira; Kontsumo ez-iraunkorreko ondasunak %4,4 jaitsi dira eta iraunkorrekoak %0,1.
2012ko otsailean, aurreko urteko hil beraren aldean hazkundeak izandako sektore garrantzitsuen artean, bakarrik Makineria eta ekipoa nabarmentzen da: %13,0 hazi da.
Kautxu eta plastikoa %9,1 jaitsi da urte artean; Zura, papera eta arte grafikoak %8,8; Elikagaien industria, edariak eta tabakoa %8,7.
Lurraldeei dagokienez, Industri Produkzioaren Indizearen urte arteko bilakaera negatiboa izan da hiruretan: Gipuzkoan %1,2 jaitsi da, Araban %5,4 eta Bizkaian %8,4. Hil arteko hazkunde-tasa negatiboa izan da Araban, %3,6. Bizkaian eta Gipuzkoan %1,1 hazi da, 2012ko urtarrilaren aldean.
Informazio gehiago:
Euskal Estatistika Erakundea / Instituto Vasco de Estadística
Donostia-San Sebastián kalea, 1 01010 Vitoria-Gasteiz
Tel.: +34-945-01 75 00 Faxa: +34-945-01 75 01 Helb. elek.: eustat@eustat.eus
Harremanetan jartzeko pertsona: Gerardo Pérez Aja
Tel.: +34-945-01 75 06 Faxa: +34-945-01 75 01
Euskal AEko Industria Produkzioaren Indizeari (IPI) buruzko prentsa-ohar gehiago
Euskal AEko Industria Produkzioaren Indizeari (IPI) buruzko datu-bankua