2012/06/05eko prentsa-oharra
Euskal AEko industri jarduera %9,1 murriztu zen 2012ko apirilean
Euskal AEko industri produkzioa, aurreko hilarekin, 2012ko martxoarekin alderatuta %1,5 jaitsi zen
Eustatek landutako datuen arabera, 2012ko apirilean %9,1 murriztu zen Euskal AEko industria produkzioa lan-egutegiko baldintza homogeneoetan, 2011ko hil beraren aldean. Urtaroen eragina zuzenduta, %1,5 murriztu zen Euskal AEko industri produkzioa, aurreko hilarekin, 2012ko martxoarekin alderatuta.
Sektoreen arabera, eta industri sektore nagusiak sailkatu ostean, 2012ko apirileko indizearen bilakaerak den-denen jaitsierak erakusten ditu, 2011koaren aldean. Energia %14,7 jaitsi da, Ekipo-ondasunak %9,9; Bitarteko ondasunak %8,3, eta Kontsumo-ondasunak %6,1. Azken horien barruan, Kontsumo-ondasun iraunkorrak %11,2 jaitsi dira eta Kontsumo-ondasun ez-iraunkorrak %4,8.
2012ko apirileko hil arteko aldakuntza, 2012ko martxoaren aldean, ezberdina izan da industri talde handietan. Ekipo-ondasunak %0,7 jaitsi dira, Bitarteko ondasunak %2,2 eta Kontsumo-ondasunak %4,7. Azken horien barruan, Kontsumo-ondasun ez-iraunkorrak %4,9 eta Kontsumo-ondasun iraunkorrak %3,7. Energia, berriz, %0,1 igo da.
2012ko apirilean eta aurreko urteko hil beraren aldean hazkundea izan duen sektore garrantzitsu bakarra Elikagaiak, edariak eta tabakoa izan da, %2,4.
Material eta Ekipo elektrikoa sektorean urte arteko %16,4ko jaitsiera dago; Kautxu eta plastikoan %11koa eta Garraio materialean %7,1ekoa.
Lurraldeetan, Industri Produkzioaren Indizearen apirileko urte arteko bilakaera negatiboa izan da hiruretan: Bizkaian %11,5 jaitsi da, Gipuzkoan %10,7 eta Araban %1,2. Hil arteko hazkunde-tasak ere negatiboak izan dira hiru lurraldeetan: Bizkaian %2,9 jaitsi da, Gipuzkoan %1,0 eta Araban %0,1, 2012ko martxoaren aldean.
Argibide gehiago nahi izanez gero:
Euskal Estatistika Erakundea / Instituto Vasco de Estadística
Donostia-San Sebastián kalea, 1 01010 Vitoria-Gasteiz
Tel.: +34-945-01 75 00 Faxa: +34-945-01 75 01 Helb. elek.: eustat@eustat.eus
Harremanetan jartzeko pertsona: Gerardo Pérez Aja
Tel.: +34-945-01 75 06 Faxa: +34-945-01 75 01
Euskal AEko Industria Produkzioaren Indizeari (IPI) buruzko prentsa-ohar gehiago
Euskal AEko Industria Produkzioaren Indizeari (IPI) buruzko datu-bankua