2012/09/07ko prentsa-oharra
Euskal AEko BPGk % 0,9ko murrizketa izan zuen 2012ko bigarren hiruhilekoan
Aurreko hiruhilekoaren aldean, aldakuntza %-0,4koa izan da
Euskal AEko Barne Produktu Gordinak (BPG) %0,9ko murrizketa izan du 2012ko bigarren hiruhilekoan, aurreko urteko hiruhileko beraren aldean, urtaro- eta egutegi-eraginak deskontaturik, Eustaten aurrerapen-datuen arabera. Espainiako ekonomiaren urte arteko aldakuntza, Estatistikako Institutu Nazionalak argitaratutako datuen arabera, %-1,3koa izan da.
Aurreko hiruhilekoaren aldean, Euskal AEko BPGren hazkunde-tasa 2012ko bigarren hiruhilekoan %-0,4koa izan da; hirugarren datu negatiboa da, zortzi hiruhilekoz jarraian hiruhilekoen arteko datu positiboak izan ondoren. Tasa hau eta Espainiako ekonomiarako zenbatetsia berdin-berdinak dira.
Eskaintzaren ikuspegia oinarritzat hartuta, hiruhileko honetako urte arteko beheranzko bilakaeraren arrazoiak egoera honetan aurkituko ditugu: bilakaeraren joera negatiboa izan da industrian, eraikuntzan eta, 2010. urte-bukaeratik hona lehen aldiz, merkatuko zerbitzuen sektorean ere bai. Bai lehen sektorean, bai ez-merkatuko zerbitzuetan hazkunde positiboak izan dira.
Enpleguak, lanpostu gisa neurturik, behera egin du bai aurreko urteko hiruhileko beraren aldean (%-2,3), bai aurreko hiruhilekoaren aldean (%-0,5).
Argibide gehiago:
Euskal Estatistika Erakundea / Instituto Vasco de Estadística
Donostia-San Sebastián, 1. 01010 Vitoria-Gasteiz
Tel.: +34-945-01 75 00 Faxa: +34-945-01 75 01 Helbide elek.: eustat@eustat.es
Harremanetarako pertsona: Javier Aramburu
Tel.:+34-945-01 75 80 Faxa:+34-945-01 75 01
Euskal AEKo Hiruhilekoko kontu ekonomikoen aurrerapenaren gaineko prentsa-ohar gehiago
Euskal AEKo Hiruhilekoko kontu ekonomikoen aurrerapenaren gaineko datu-bankua