2012/09/07ko prentsa-oharra
Euskal AEko eraikuntzako kostuak %0,1 igo ziren 2012ko abuztuan aurreko hilaren aldean
Azken hamabi hilabeteetan (2012ko abuztua, 2011koarekin alderatuta) eraikuntzaren kostuak %0,7 gehitu dira
2012ko abuztuan, Euskal AEko Eraikuntza Kostuen Indizea %0,1 igo zen, aurreko hilaren aldean, eta urte arteko tasa %0,7 igo zen, EUSTATen datuen arabera.
Aurreko hilabetearekin alderatuta, 2012ko abuztuan laneskuaren kostuak ez du inolako aldaketarik izan (% 0,0), baina lehengaien kostuek % 0,1eko igoera izan dute.
Abuztuan Etxegintza eta Obra Zibila azpisektoreek bilakaera ezberdinak izan dituzte lehengaien kostuari dagokionez. Etxegintzan %0,2ko jaitsiera aurreko hilaren aldean, eta Obra Zibilarenean %1,2ko igoera. Bi azpisektore horien urte arteko bilakaeran badira zenbait ezberdintasun: Etxegintzako lehengaien kostuak %0,2 igo ziren; Obra zibilekoak %2,4.
Sektorean kontsumitu diren lehengaien prezioari dagokionez, azken hamabi hilabeteetan inflazio-tasa handienak izan dituztenen artean, Petrolio-fintzea (%15,8), Energia elektrikoa eta gasa (%7,0) eta makineria (%4,8) nabarmentzen dira. Berriz, urteko prezioetan (2012ko abuztua 2011koaren aldean) jaitsierak edo igoera txikiagoak izan dituzte ondoko sektoreetako lehengaiek: Metalurgia (%-4,8), Erauzketa industriak (%-0,8) eta Mineral ez-metalezkoen beste produktuen fabrikazioa (%-0,6).
Argibide gehiagorako:
Euskal Estatistika Erakundea / Instituto Vasco de Estadística
Donostia-San Sebastián, 1. 01010 Vitoria-Gasteiz
Tel.:+34-945-01 75 00 Faxa:+34-945-01 75 01 Helbide elektronikoa: eustat@eustat.eus
Harremanetarako pertsona: Gerardo Pérez Aja
Tel.:+34-945-01 75 06 Faxa:+34-945-01 75 01
Euskal AEko Eraikuntzako Kostuen Indizeari buruzko prentsa-ohar gehiago.
Euskal AEko Eraikuntzako Kostuen Indizeari buruzko datu-bankua.