2012/10/30ko prentsa-oharra
Euskal AEko eraikuntza kostuak %0,3 igo ziren 2012ko irailean aurreko hilaren aldean
Azken hamabi hilabeteetan (2012ko iraila, 2011koarekin alderatuta) eraikuntzaren kostuak %0,9 handitu dira
2012ko irailean, Euskal AEko Eraikuntzaren Kostuen Indizea %0,3 igo zen, aurreko hilaren aldean, eta urte arteko tasa %0,9, EUSTATen datuen arabera.
2012ko irailean, aurreko hilaren aldean, lan-eskuaren kostua ez da aldatu (%0,0); lehengaien kostuak, berriz, %0,3 igo dira.
Irailean Etxegintza eta Obra Zibila azpisektoreek igoerak izan dituzte lehengaien kostuari dagokionez. Etxegintzan %0,4koa aurreko hilaren aldean, eta Obra Zibilarenean %0,1ekoa. Bi azpisektore horien urte arteko bilakaeran badira zenbait ezberdintasun: Etxegintzako lehengaien kostuak %0,6 igo ziren; Obra zibilekoak %2,0.
Sektorean kontsumitu diren lehengaien prezioari dagokionez, azken hamabi hilabeteetan inflazio-tasa handienak izan dituztenen artean, Petrolio-fintzea (%11,2), Energia elektrikoa eta gasa (%11,1), eta Makineria (%5,4) nabarmentzen dira, besteren artean. Berriz, urteko prezioetan (2012ko iraila 2011koaren aldean) jaitsierak izan dituzte ondoko sektoreetako lehengaiek: Metalurgia (%-3,9), Ez-metalezko produktu mineralen fabrikazioa (%-0,6), Zurgintza (%-0,1).
Argibide gehiagorako:
Euskal Estatistika Erakundea / Instituto Vasco de Estadística
Donostia-San Sebastián, 1. 01010 Vitoria-Gasteiz
Tel.:+34-945-01 75 00 Faxa:+34-945-01 75 01 Helbide elektronikoa: eustat@eustat.eus
Harremanetarako pertsona: Gerardo Pérez Aja
Tel.:+34-945-01 75 06 Faxa:+34-945-01 75 01
Euskal AEko Eraikuntzako Kostuen Indizeari buruzko prentsa-ohar gehiago.
Euskal AEko Eraikuntzako Kostuen Indizeari buruzko datu-bankua.