2012/12/28ko prentsa-oharra
Euskal AEko eraikuntza kostuak %0,3 jaitsi ziren 2012ko azaroan aurreko hilaren aldean
Azken hamabi hilabeteetan (2012ko azaroa, 2011koarekin alderatuta), eraikuntzaren kostuak %0,3 gehitu ziren.
2012ko azaroan, Euskal AEko Eraikuntzaren Kostuen Indizea %0,3 jaitsi zen, aurreko hilaren aldean, eta urte arteko tasa %0,3 igo, EUSTATen datuen arabera.
2012ko azaroan, lan-eskuaren kostua ez da aldatu (%0,0); lehengaien kostuak, berriz, %0,4 jaitsi dira.
Azaroan Etxegintza eta Obra Zibila azpisektoreek beheranzko bilakaera izan zuten lehengaien kostuari dagokionez. Etxegintzan %0,3ko jaitsiera aurreko hilaren aldean, eta Obra Zibilarenean %1ekoa. Bi azpisektore hauen urte arteko bilakaerak igoera apalak erakusten ditu. Etxegintzako lehengaien kostuak %0,1 igo dira eta Obra Zibilekoenak %0,2.
Sektorean kontsumitu diren lehengaien prezioari dagokionez, azken hamabi hilabeteetan inflazio-tasa handienak izan dituztenen artean, Petrolio-fintzea (%2,6), Energia elektrikoa eta gasa (%6,6), Makineria (%6,0) eta Material elektrikoa (%2,6) nabarmentzen dira, besteren artean. Berriz, urteko prezioetan (2012ko azaroa 2011koaren aldean) jaitsierak izan dituzte ondoko sektoreetako lehengaiek: Metalurgia (%-3,6), Ez-metalezko mineralak (%-2).
Argibide gehiagorako:
Euskal Estatistika Erakundea / Instituto Vasco de Estadística
Donostia-San Sebastián, 1. 01010 Vitoria-Gasteiz
Tel.:+34-945-01 75 00 Faxa:+34-945-01 75 01 Helbide elektronikoa: eustat@eustat.eus
Harremanetarako pertsona: Gerardo Pérez Aja
Tel.:+34-945-01 75 06 Faxa:+34-945-01 75 01
Euskal AEko Eraikuntzako Kostuen Indizeari buruzko prentsa-ohar gehiago.
Euskal AEko Eraikuntzako Kostuen Indizeari buruzko datu-bankua.