2013/02/27ko prentsa-oharra
Euskal AEko eraikuntza kostuak %1,0 igo ziren 2013ko urtarrilean aurreko hilaren aldean
Azken hamabi hilabeteetan (2012ko urtarriletik 2013kora) eraikuntza kostuak %0,2 gehitu dira.
2013ko urtarrilean, Euskal AEko Eraikuntza Kostuen Indizea %1,0 gehitu zen aurreko hilaren aldean, eta urte arteko tasa %0,2, EUSTATen datuen arabera.
2013ko urtarrilean, aurreko hilaren aldean, lan-eskuaren kostua ez da aldatu (%0,0); lehengaien kostuak, berriz, %1,3 garestitu dira.
Urtarrilean Etxegintza eta Obra Zibila azpisektoreek antzeko bilakaera izan zuten lehengaien kostuari dagokionez. Etxegintzaren atalean %1,1eko igoera aurreko hilaren aldean, eta Obra Zibilarenean %1,8koa. Bi azpisektore hauen urte arteko bilakaerak: Etxegintzako lehengaien kostuak %0,3 gehitu dira eta Obra Zibilekoenak %0,1 jaitsi.
Sektorean kontsumitu diren lehengaien prezioari dagokionez, azken hamabi hilabeteetan inflazio-tasa handienak izan dituztenen artean, Makineria (%5,3), Energia elektrikoa, gasa eta lurruna (%3,2), eta Material elektrikoa (%2,4) nabarmentzen dira, besteren artean. Aitzitik, urteko prezioetan (2013ko urtarrila, 2012koaren aldean) murrizketak izan dituzte Metalurgiaren (%-2,7), Ez-metalezko mineralen erauzketaren (%-0,9) eta Petrolioa fintzearen (%-0,5) lehengaiek.
Argibide gehiagorako:
Euskal Estatistika Erakundea / Instituto Vasco de Estadística
Donostia-San Sebastián, 1. 01010 Vitoria-Gasteiz
Tel.:+34-945-01 75 00 Faxa:+34-945-01 75 01 Helbide elektronikoa: eustat@eustat.eus
Harremanetarako pertsona: Gerardo Pérez Aja
Tel.:+34-945-01 75 06 Faxa:+34-945-01 75 01
Euskal AEko Eraikuntzako Kostuen Indizeari buruzko prentsa-ohar gehiago.
Euskal AEko Eraikuntzako Kostuen Indizeari buruzko datu-bankua.