HomeGaiakEraikuntzaren kostuen indizea (EEKI)Prentsa Oharrak Euskal AEko eraikuntza...

2013/04/29ko prentsa-oharra

EUSKAL AEko ERAIKUNTZAREN KOSTUEN INDIZEA (EKI), 2013ko MARTXOA

Euskal AEko eraikuntza kostuak %0,1 jaitsi ziren 2013ko martxoan aurreko hilaren aldean

2012ko martxoaren aldean eraikuntza kostuak %0,3 jaitsi ziren

2013ko martxoan, Euskal AEko Eraikuntza Kostuen Indizea %0,1 jaitsi zen aurreko hilaren aldean, eta urte arteko tasa %0,3, EUSTATen datuen arabera.

2013ko martxoan, lan-eskuaren kostua ez da aldatu (%0,0); lehengaien kostuak, berriz, %0,1 jaitsi dira, aurreko hilaren aldean.

Martxoan Etxegintza eta Obra Zibila azpisektoreek bilakaera ezberdina izan zuten lehengaien kostuari dagokionez. Etxegintzaren atalean %0,0 aurreko hilaren aldean, eta Obra Zibilarenean %0,5eko jaitsiera. Bi azpisektore hauen urte arteko bilakaerak: Etxegintzako lehengaien kostuak %0,5 jaitsi dira eta Obra Zibilekoenak %1,4.

Sektorean kontsumitu diren lehengaien prezioari dagokionez, azken hamabi hilabeteetan inflazio-tasa handienak izan dituztenen artean, Material elektronikoa (%2,7), Ez-metalezko industria (%2,3) eta Material elektrikoa (%1,1) nabarmentzen dira, besteren artean. Urteko prezioetan (2013ko martxoa, 2012koaren aldean) murrizketak izan dituzte Metalurgiaren (%-4,3), Petrolioa fintzearen (%-3,7), Ez-metalezko mineralen erauzketaren (%-2,5) eta Energia elektrikoaren eta gasaren (%-1,4) lehengaiek.

EUSKAL AEKO ERAIKUNTZAREN KOSTUEN INDIZEA. ALDAKUNTZA TASAK. 2013KO MARTXOA(p)