HomeGaiakJaiotzakPrentsa Oharrak Euskal AEn jaiotzak...

2013-05-31ko prentsa-oharra

EUSKAL AEko JAIOTZEN ESTATISTIKA (JAIE) 2012ko 4. hiruhilekoa

Euskal AEn jaiotzak %7,5 gutxitu ziren 2012ko laugarren hiruhilekoan

Amen %17,3 atzerritarra da

2012ko laugarren hiruhilekoan, Euskal AEn 4.903 haur jaio ziren, aurreko urteko aldi berean baino %7,5 gutxiago, Eustaten datuen arabera.

2012ko udazkenean Euskal AEn amatutakoen arteko %17,3 atzerritarrak ziren. Ehuneko horren gainetik, Araba, %22,4; Bizkaian %16,5 eta Gipuzkoan %16,1.

Jaiotzak hiru lurraldeetan gutxitu dira: Araban 782 haur jaio ziren, jaitsierarik handiena, %-9,7; Bizkaian 2.495, %-7,5; Gipuzkoan 1.626, %-6,3, aurreko urteko hiruhileko beraren aldean.

Amen %80,5ek 30 urte edo gehiago ditu

Jaiotzak amaren adinaren arabera banatuz gero, ikusiko dugu 30-34 urteko amen taldea dela nagusi oraindik ere, haien artean izan baitziren erditzeen %38,5. Ondoren, goragoko taldea dago, hau da, 35-39 urte artekoa (%34,7); 25-29ko taldea askoz beherago geratu da, erditzeen %13,8 ekarri baititu. 40 urte baino gehiagoko amak (%7,3), gehiago dira 25 urtez beherakoak (%5,7) baino.

Amatzeko adina aldatu egiten da naziotasunaren arabera. Atzerritarrena, 29,6 urte batez beste; espainiarrena, 33,8.

Ezkondu gabeko amengandik jaioak %37 inguru da

2012ko laugarren hiruhilekoan ezkontzaz kanpo jaioak %36,9 izan ziren, 2011koan baino ehuneko puntu erdia gehiago.

Jaiotza-hurrenkeraren arabera, erdiak baino gehiago, 2.749 haur (%56,1), lehenengo seme-alabak izan ziren; 1.745 (%35,6) aurretik beste bat bazen familietara iritsi ziren; eta hirugarren eta ondorengo seme-alabak 409 (%8,3) izan ziren.

2012ko 4. hiruhilekoan izandako jaiotzen 1.704 urrian izan ziren, 1.599 azaroan eta 1.600 abenduan.

Euskal AEn bizi den ama batengandik bizirik jaioak. Alderaketa taula