HomeGaiakIndustria produkzioaren indizea (IPI)Prentsa Oharrak Euskal AEko industri...

2013-08-07ko prentsa-oharra

Euskal AEko Industri Produkzioaren Indizea (IPI) 2013ko ekaina

Euskal AEko industri jarduera %3,5 gutxitu zen 2013ko ekainean

Euskal AEko industri produkzioa, aurreko hilarekin, 2013ko maiatzarekin alderatuta %0,6 gehitu zen

Eustatek landutako datuen arabera, 2013ko ekainean %3,5 gutxitu zen Euskal AEko industri produkzioa lan-egutegiko baldintza homogeneoetan, 2012ko hil beraren aldean. Urtaroen eragina zuzenduta, %0,6 gehitu zen Euskal AEko industri produkzioa, 2013ko maiatzarekin alderatuta.

Sektoreen arabera, eta industri sektore nagusiak sailkatu ostean, 2013ko ekaineko indizearen bilakaerak den-denen jaitsierak erakusten ditu, 2012koaren aldean. Energia %0,8 gutxitu da, Bitarteko ondasunak %3,4, Ekipo-ondasunak %1,8, eta Kontsumo-ondasunak %5,9. Azken horien barruan, Kontsumo-ondasun iraunkorrak %8,0 jaitsi dira eta Kontsumo-ondasun ez-iraunkorrak %5,1.

2013ko ekain-maiatzeko hil arteko aldakuntza Energiarako bakarrik izan da negatiboa, %-3,2. Bitarteko ondasunak %2,0 hazi dira, Ekipoko ondasunak %0,9 eta Kontsumoko ondasunak %4,7. Azken horien barruan Iraunkorrekoak %1,7 hazi eta Ez-iraunkorrekoak %5,9.

Euskal industrian pisu handienetako hiru sektoretan hazkundeak ditugu 2013ko ekainean aurreko urteko hil beraren aldean: Makineria eta ekipoa %2,0 hazi da, Kautxu eta plastikoak %1,6 eta Garraio-materiala %0,5.

1. taula. Euskal AEko Industri Produkzioaren Indizea Sektore nagusiak. Urte arteko hazkunde-tasak. A-38 sektorizazioa. Behin-behineko datuak
Egutegi-eraginak zuzendutako datuak.
(1) Industrian pisu handieneko sektoreak
Iturria: Eustat. Euskal AEko Industri Produkzioaren Indizea

Material eta ekipo elektrikoa %11,2 gutxitu da, Zura, papera eta arte grafikoak %5,8, eta Metalurgia eta metalezko produktuak %5,3 urte artean.

Industri Produkzioaren Indizea, ekainean eta urte artean %6,9 gutxitu da Bizkaian, %1,8 Araban eta %0,9 Gipuzkoan. Hil artean, Arabak %+1,9 eta Gipuzkoak %+3,1; Bizkaiak %-2,6, 2013ko maiatzaren aldean.

2. taula. Euskal AEko Industri Produkzioaren Indizea Hazkunde-tasak. 2013ko EKAINA (p).
(1) 2012ko urtarriletik oraingo hilera arte metatutako aldiko urte arteko tasa, 2011ko aldi beraren aldean
Iturria: Eustat. Euskal AEko Industri Produkzioaren Indizea