2013/10/29ko prentsa-oharra
Euskal AEko eraikuntza kostuak %0,1 gehitu ziren 2013ko irailean aurreko hilaren aldean
2012ko irailaren aldean eraikuntza kostuak %0,2 gutxitu ziren
2013ko irailean, Euskal AEko Eraikuntza Kostuen Indizea %0,1 gehitu zen aurreko hilaren aldean, eta urte arteko tasa %0,2 gutxitu, EUSTATen datuen arabera.
Aurreko hilaren aldean, lan-eskuaren kostua ez da aldatu (%0,0); lehengaien kostuak, berriz, %0,2 gehitu dira.
Irailean Etxegintza eta Obra Zibila azpisektoreek bilakaera berbera izan zuten lehengaien kostuari dagokionez, bietan %0,2ko gehikuntza aurreko hilaren aldean. Bi azpisektore hauen urte arteko bilakaerak: Etxegintzako lehengaien kostuak %0,3 gutxitu dira eta Obra Zibilekoenak %1,7.
Sektorean kontsumitu diren lehengaien prezioari dagokionez, azken hamabi hilabeteetan inflazio-tasa handienak izan dituztenen artean, Kautxu eta plastikoa (%3,8), Ez-metalezko industria (%2,1) eta Makineria (%2,1), nabarmentzen dira, besteren artean. Urteko prezioetan (2013ko iraila, 2012koaren aldean) murrizketak izan dituzte Petrolioa fintzearen (%-5,9), Metalurgiaren (%-5,7) eta Energia elektrikoaren eta gasaren (%-3,0) lehengaiek.
Informazio gehiago:
Eustat - Euskal Estatistika Erakundea / Instituto Vasco de Estadística
Donostia-San Sebastián, 1. 01010 Vitoria-Gasteiz
Prentsa zerbitzua: servicioprensa@eustat.eus Tel.: 945 01 75 62
Euskal AEko Eraikuntzako Kostuen Indizeari buruzko prentsa-ohar gehiago
Euskal AEko Eraikuntzako Kostuen Indizeari buruzko datu-bankua