2013/11/08ko prentsa-oharra
Euskal AEko BPG egonkor 2013ko hirugarren hiruhilekoan aurrekoaren aldean
Aurreko urtearen aldean %1,1 gutxitu da
Euskal AEko Barne Produktu Gordina (BPG) lehengoan da (%0,0ko aldakuntza) 2013ko hirugarren hiruhilekoan aurrekoaren aldean, urtaro- eta egutegi-eraginak deskontaturik, Eustaten aurrerapen-datuen arabera. Tasa hau Espainiako ekonomiarena baino hamarren bat txikiagoa da, INEren datuen arabera.
Aurreko urteko hiruhileko beraren aldean, jaitsiera %1,1 da, bigarren hiruhilekoan baino lau hamarren gutxiago negatiboa. Tasa hau Espainiako ekonomiarena (%-1,2) baino hamarren bat hobea da.
Eskaintzaren ikuspuntutik, 2013ko hirugarren hiruhilekoan sektore guztiek izan dituzte urte arteko bilakaera negatiboak; denetan ere tasak zertxobait gutxiago dira negatiboak. Eskariaren aldetik, kanpo sektorearen ekarpena positiboa da oraindik ere eta barne-eskariak urte arteko negatiboa du, aurreko hiruhilekoan bezalatsu.
Enpleguan tasa negatiboak ditugu bai aurreko urteko hiruhileko beraren aldean (%-2,0), bai aurreko hiruhilekoaren aldean (%-0,3). Enplegua dedikazio osoko baliokidetzako lanpostuetan neurtzen da.
Informazio gehiago:
Eustat - Euskal Estatistika Erakundea / Instituto Vasco de Estadística
Donostia-San Sebastián, 1. 01010 Vitoria-Gasteiz
Prentsa zerbitzua: servicioprensa@eustat.eus Tel.: 945 01 75 62
Euskal AEKo Hiruhilekoko kontu ekonomikoen aurrerapenaren gaineko prentsa-ohar gehiago
Euskal AEKo Hiruhilekoko kontu ekonomikoen aurrerapenaren gaineko datu-bankua