2013/11/27ko prentsa-oharra
Euskal AEko eraikuntza kostuak %0,3 gutxitu ziren 2013ko urrian aurreko hilaren aldean
2012ko urriaren aldean eraikuntza kostuak %0,2 gutxitu dira
2013ko urrian, Euskal AEko Eraikuntza Kostuen Indizea %0,3 gutxitu zen aurreko hilaren aldean, eta urte arteko tasa %0,2, EUSTATen datuen arabera.
Lan-eskuaren kostua ez da aldatu (%0,0) eta lehengaien kostuak %0,4 gutxitu dira, aurreko hilaren aldean.
Eraikuntza eta Obra Zibila azpisektoreen bilakaerak norabide berbera baina indar ezberdina izan du euren lehengaien kostuetan, urrian. Etxegintzako lehengaien kostuak %0,3 gutxitu dira eta Obra Zibilekoenak %0,8 aurreko hilaren aldean. Urte arteko bilakaerak: Etxegintzako lehengaien kostuak %0,3 gutxitu dira eta Obra Zibilekoenak %1,8.
Urteko prezioetan (2013ko urria 2012koaren aldean), kontsumitu diren lehengaietan prezio-jaitsiera handienak izandako sektoreak: Petrolio fintzea (%-6,7), Metalurgia (%-5,5), Material elektrikoa (%-1,7). Azken hamabi hilabeteetan inflazio-tasa handienak izan dituztenen artean, Ez-metalezko industria (%4,4), Kautxu eta plastikoa (%3,8), eta Makineria (%2,2), nabarmentzen dira, besteren artean.
Informazio gehiago:
Eustat - Euskal Estatistika Erakundea / Instituto Vasco de Estadística
Donostia-San Sebastián, 1. 01010 Vitoria-Gasteiz
Prentsa zerbitzua: servicioprensa@eustat.eus Tel.: 945 01 75 62
Euskal AEko Eraikuntzako Kostuen Indizeari buruzko prentsa-ohar gehiago
Euskal AEko Eraikuntzako Kostuen Indizeari buruzko datu-bankua