2014/01/09ko prentsa-oharra
Euskal AEko industri jarduera %1,8 gutxitu zen 2013ko azaroan
Euskal AEko industri produkzioa, aurreko hilarekin, 2013ko urriarekin alderatuta, %1,5 gutxitu zen
Eustatek landutako datuen arabera, 2013ko azaroan %1,8 gutxitu zen Euskal AEko industri produkzioa lan-egutegiko baldintza homogeneoetan, 2012ko hil beraren aldean. Urtaroen eragina zuzenduta, %1,5 gutxitu zen Euskal AEko industri produkzioa, aurreko hilarekin, 2013ko urriarekin alderatuta.
2013ko azaroko indizean, 2012koaren aldean: Energia %-15,1, Kontsumoko ondasunak %-5,7 (iraunkorrak %-16,9, ez-iraunkorrak askoz gutxiago, %-0,7). Ekipo-ondasunak %0,3 gehitu dira eta Bitarteko ondasunak %2,8
Hil arteko aldaketa, 2013ko azaroa urriaren aldean, positiboa izan da Energian, %2,7 eta Bitarteko ondasunetan, %0,2. Ekipo ondasunak %4,9 jaitsi dira, eta Kontsumo-ondasunak %1,0. Azken horien barruan, Kontsumo-ondasun ez-iraunkorrak %1,6 jaitsi dira eta Kontsumo-ondasun iraunkorrak %0,6 gehitu.
Urte artean, euskal industriako sektore handienen artean, hauek hazi dira 2013ko azaroan: Garraio materiala %6,9, Elikadura industriak, edariak eta tabakoa %1,9, Metalurgia eta metalezko produktuak %0,8 eta Makineria eta ekipoa %0,4.
Material eta ekipo elektrikoan urte arteko %13,2ko jaitsiera dago; Energia elektriko, gas eta lurrunean %7,5ekoa; Zura, papera eta arte grafikoetan %4,7koa.
Azaroko Industri Produkzioaren Indizearen urte arteko bilakaera positiboa izan da Araban (%1,4), eta Gipuzkoan (%0,4); negatiboa Bizkaian (%-5,8). Hil artekoa negatiboa izan da hiruretan: Gipuzkoan %2,3 jaitsi da, Araban %1,4; Bizkaian %0,6, 2013ko urriaren aldean.
Informazio gehiago:
Eustat - Euskal Estatistika Erakundea / Instituto Vasco de Estadística
Donostia-San Sebastián, 1. 01010 Vitoria-Gasteiz
Prentsa zerbitzua: servicioprensa@eustat.eus Tel.: 945 01 75 62
Euskal AEko Industria Produkzioaren Indizeari (IPI) buruzko prentsa-ohar gehiago
Euskal AEko Industria Produkzioaren Indizeari (IPI) buruzko datu-bankua