2014/02/18ko prentsa-oharra
10 langile edo gehiagoko enpresa berritzaileen portzentajean, hiriburuetan Donostia dugu aurrena, eta eskualdeetan, Debagoiena
Berrikuntzako jardueren gastua euskal hiriburuetan kontzentratzen da
Eustatek egindako datuen arabera, Euskal AEn 2012an 10 langile eta gehiagoko enpresa berritzaileen portzentajea % 38,3 izan zen. Ehuneko hau aldatu egiten da, eskualdeka ikusiz gero.
Araban aurrena Kantauri Arabarra, non 10 langile baino gehiagoko enpresen %45,7 berritzaileak izan ziren 2012n eta Arabako Gainerakoa (Arabako Mendialdea, Gorbeiako Inguruak, Arabako Ibarrak), %40,0. Gipuzkoako lau eskualdek dauzkate tamaina horretako enpresen %40 pasa, berritzaileak: Debagoienak (%47,4), Goierrik (%43,1), Donostialdeak %41,2), Tolosaldeak %40,8). Bizkaian Durangaldeak du enpresa berritzaileen portzentajerik handiena, %40,9; ondoren Plentzia-Mungiak %38,0 eta Gernika-Bermeok %37,9.
Enpresa berritzaileen ehuneko txikieneko eskualdeak, aldiz, beste hauek dira: Errioxa (%31,6) Araban, Arratia-Nerbioi (%34,4) Bizkaian eta Bidasoa Beherea (%34,5) Gipuzkoan.
Hiriburuetan, Donostiaren (%42,3) eta Bilboren (%36,1) artean ehuneko sei puntu daude enpresa berritzaileetan. Gasteizek %37,3.
Berrikuntza-jardueretako gastuaz, beti 10 langile eta gehiagoko enpresetan, kantitaterik handienak hiriburuak barne dituzten eskualdeetan egikaritzen dira. Halere, kontzentrazio-maila ezberdina da, batez ere Gipuzkoan. Bai Araban, bai Bizkaian, hiriburua dagoen eskualdean (Lautadan, Bilbo Handian) lurraldeko gastuaren %80 inguru egiten da. Gipuzkoan gutxiago, Donostialdean %42 gastatzen delarik.
Araban 451,3 milioitik 377,1 Lautadan gastatzen dira eta Bizkaian 1.008,0 milioitik 787,5 Bilbo Handian. Gipuzkoan, ordea, 720,3 milioitik 299,7 Donostialdekoak dira, baina kopuru garrantzitsuak geratzen dira lurraldeko beste eskualde batzuetarako, Deba Garairako 118,2 milioi eta Goierrirako 107,8 milioi. Bizkaian Durangaldea (107,2 milioi) aipatzekoa da.
Informazio gehiago:
Eustat - Euskal Estatistika Erakundea / Instituto Vasco de Estadística
Donostia-San Sebastián, 1. 01010 Vitoria-Gasteiz
Prentsa zerbitzua: servicioprensa@eustat.eus Tel.: 945 01 75 62
Euskal AEko Berrikuntza Teknologikoaren Inkesta, BTI. Prentsa-ohar gehiago
Euskal AEko Berrikuntza Teknologikoaren Inkesta, BTI. Datu-bankua