2014/01/29ko prentsa-oharra
Euskal AEko eraikuntza kostuak %0,1 gehitu ziren 2013ko abenduan aurreko hilaren aldean
Aurreko urtearen aldean, 2012ko abenduaren aldean, eraikuntza kostuak %0,4 gehitu dira
2013ko abenduan, Euskal AEko Eraikuntza Kostuen Indizea %0,1 gehitu zen aurreko hilaren aldean, eta urte arteko tasa %0,4, EUSTATen datuen arabera.
Aurreko hilaren aldean, lan-eskuaren kostua ez da aldatu (%0,0); lehengaien kostuak, berriz, %0,1 garestitu dira.
Abenduan Etxegintza eta Obra Zibila azpisektoreek antzeko bilakaera izan zuten lehengaien kostuari dagokionez. Etxegintzan %0,1eko igoera aurreko hilaren aldean, eta Obra Zibilarenean %0,2koa.
Bi azpisektore hauen urte arteko bilakaerak: Etxegintzako lehengaien kostuak %0,3 gehitu dira eta Obra Zibilekoenak %0,3 gutxitu.
Urteko prezioetan (2013ko abendua 2012koaren aldean), kontsumitu diren lehengaietan prezio-igoera handienak izandako sektoreak: Energia elektrikoa eta gasa (%6,0), Kautxu eta plastikoa (%5,7), Ez-metalezko industria (%4,4). Eta prezio-jaitsierarik handienak: Metalurgia (%-4,3), Material elektrikoa (%-2,0), Material elektronikoa (%-1,3).
Informazio gehiago:
Eustat - Euskal Estatistika Erakundea / Instituto Vasco de Estadística
Donostia-San Sebastián, 1. 01010 Vitoria-Gasteiz
Prentsa zerbitzua: servicioprensa@eustat.eus Tel.: 945 01 75 62
Euskal AEko Eraikuntzako Kostuen Indizeari buruzko prentsa-ohar gehiago
Euskal AEko Eraikuntzako Kostuen Indizeari buruzko datu-bankua