2014/04/30eko prentsa-oharra
Euskal AEko eraikuntza kostuak %0,2 gehitu ziren 2014ko martxoan aurreko hilaren aldean
2013ko martxoaren aldean eraikuntza gastuak %0,6 gutxitu ziren
2014ko martxoan, Euskal AEko Eraikuntza Kostuen Indizea %0,2 gehitu zen, aurreko hilaren aldean, eta urte arteko tasa %0,6 gutxitu, EUSTATen datuen arabera.
Aurreko hilaren aldean, lan-eskuaren kostua ez da aldatu (%0,0); lehengaien kostuak, berriz, %0,2 garestitu dira.
Martxoan Etxegintza eta Obra Zibila azpisektoreek antzeko bilakaera izan zuten lehengaien kostuari dagokionez. Etxegintzaren atalean %0,2ko igoera aurreko hilaren aldean, eta Obra Zibilarenean %0,1.
Bi azpisektore hauen urte arteko bilakaerak: Etxegintzako lehengaien kostuak %1,2 jaitsi dira eta Obra Zibilekoenak %2,2.
Sektoreak kontsumitutako lehengaien artean urte artean (2014ko martxoa 2013koaren aldean) prezio hazkunderik handienak: Zurgintza (%1,2) eta Energia elektrikoa eta gasa (%1,2). Prezio jaitsierarik handienak azken hamabi hiletan: Petrolio-fintzea (%6,8), Metalurgia (%4,6), Material elektrikoa (%2,4).
Informazio gehiago:
Eustat - Euskal Estatistika Erakundea / Instituto Vasco de Estadística
Donostia-San Sebastián, 1. 01010 Vitoria-Gasteiz
Prentsa zerbitzua: servicioprensa@eustat.eus Tel.: 945 01 75 62
Euskal AEko Eraikuntzako Kostuen Indizeari buruzko prentsa-ohar gehiago
Euskal AEko Eraikuntzako Kostuen Indizeari buruzko datu-bankua