2014/07/04ko prentsa-oharra
Euskal AEko industria-jarduera % 1,2 handitu da 2014ko maiatzean
Aurreko hilabetearen aldean, Euskal AEko industria-produkzioaren indizea % 0,3 jaitsi da
2014ko maiatzean, Euskal AEko industri produkzioa % 1,2 handitu da, 2013ko hilabete beraren aldean, lan-egutegiaren termino homogeneotan, Eustaten datuen arabera. Aurreko hilabetearen aldean, 2013ko ekainaren aldean hain zuzen, Euskal Autonomia Erkidegoko industria-ekoizpena % 0,3 jaitsi zen, urtaroko eraginak zuzenduta.
Industria-talde handiei dagokienez, 2014ko maiatzeko indizeak 2013ko maiatzaren aldean izan duen bilakaera gorabeheratsua izan da. Kontsumo-ondasunak, oro har, % 6,1 handitu ziren, Kontsumo Ondasun Galkorrek izandako % 15,9ko igoeraren eraginez, zeren Kontsumo Ondasun Iraunkorrek % 16,1 egin baitzuten behera. Bitarteko Ondasunek % 4,7 egin zuten gora, eta Ekipamendu Ondasunek, berriz, % 4,3 behera. Energiak, azkenik, % 4,4, egin zuen behera.
Hilabete arteko aldakuntza ere, 2014ko maiatzekoa 2014ko apirilarekiko, gorabeheratsua izan da, industria-talde handietan. Energiak % 0,8 egin zuen gora, Kontsumo Ondasunek % 2,9 gora (Kontsumo Ondasun Galkorrek % 5 gora eta Iraunkorrek % 3,0 behera egin baitzuten), Ekipamendu Ondasunek % 3,4 behera egin zuten eta, amaitzeko, Bitarteko Ondasunek ez zuten aldaketarik pairatu.
Euskal industriako sektore handietan, 2014ko maiatzean Elikagaiak, edariak eta tabakoa atalekoek eta Zura, papera eta arte grafikoak atalekoek izan zuten igoera handiena, % 16,6 eta % 12,6, hurrenez hurren.
Beste muturrean, jaitsiera handienak Argindarreko materiala eta ekipamendua atalak eta Argindarra, gasa eta lurrina atalak izan zituzten, % 8,0 eta % 7,4koak, hurrenez hurren.
Lurraldeari dagokionez, Industriako Produkzioaren Indizearen maiatzeko urtez urteko bilakaera goranzkoa izan da hiru lurralde historikoetan: Bizkaian % 2,1, Araban % 0,7 eta Gipuzkoan % 0,6. Hilabete arteko aldakuntzaren tasari dagokionez, 2014ko apirilaren aldean, Bizkaian positiboa izan da (% 2,6); Araban eta Gipuzkoan, berriz, negatiboa % 2,6 eta % 1,9 jaitsi baita hurrenez hurren.
Informazio gehiago:
Eustat - Euskal Estatistika Erakundea / Instituto Vasco de Estadística
Donostia-San Sebastián, 1. 01010 Vitoria-Gasteiz
Prentsa zerbitzua: servicioprensa@eustat.eus Tel.: 945 01 75 62
Euskal AEko Industria Produkzioaren Indizeari (IPI) buruzko prentsa-ohar gehiago
Euskal AEko Industria Produkzioaren Indizeari (IPI) buruzko datu-bankua