2014/09/19ko prentsa-oharra
Euskal AEko BPG hiruhileko arteko %0,4 hazi da 2014ko bigarren hiruhilekoan
Hazkunde honen eragilea Barne Eskaria da; kanpo-sektorea apalago dabil
2014ko bigarren hiruhilekoan, Euskal AEko BPG %0,4 gehitu da, aurreko hiruhilekoan baino hamarren bat gehiago, Eustaten datuen arabera. Espainiako ekonomiarena (%0,6) baino bi hamarren txikiagoa da.
Euskal AEko BPGk urte arteko %0,9ko hazkundea izan du aurreko urteko hiruhileko beraren aldean. Bederatzi aldiz urte arteko tasa negatiboak izan ondoren, bigarren datu positiboa da. Urte arteko hazkundea Espainiako ekonomiarena (%1,2) baino hiru hamarren txikiagoa da eta 18-Euro eremuarena (%0,7) baino bi hamarren handiagoa.
Eskaintzaren ikuspegitik, BPGren urte arteko hazkundea lau jarduera-sektore handien bilakaera ezberdinen konbinazioaren emaitza da. Bai lehen sektoreak, bai industriak, bai zerbitzuek oro har aldakuntza positiboak dauzkate jarduera-mailetan; eraikuntzan berriz ere balio erantsiaren beherakada.
Lehen sektoreak urte arteko %7,7ko hazkundea izan du.
Industria, bigarren hiruhilekoan, %0,7 hazi da, lehenengoan baino ehuneko bi hamarren gehiago urte artean; hirugarren hiruhilekoa jarraian urte arteko hazkunde-tasa positiboekin. Urte arteko hau hiruhilekoen arteko hiru hamarrenen hazkundean gauzatzen da; alegia, beste hiruhileko batez lortzen du industriak hiruhileko arteko positiboa.
Eraikuntzak berriz izan du urte arteko tasa negatiboa, %-1,4, aurreko hiruhilekoan bezalaxe. Aurreko hiruhilekoaren aldean, %-2,9.
Zerbitzuetan, urte arteko %0,9ko eta hiruhileko arteko %0,7ko hazkundeak.
Zerbitzuen bederatzi hamarrenen urte arteko hazkundea osagaien indar ezberdinetako bilakaerei zor zaie:
Administrazio Publiko, Hezkuntza, Osasungintza eta Gizarte zerbitzuen adarra %1,9 hazi da; Gainerako zerbitzuak (besteren artean, jarduera profesionalak, finantzak eta aseguruak) %0,6; Merkataritza, Ostalaritza eta Garraioa %0,4.
Hiruhileko artean, jarduera-azpisektore guztiak hazi dira. Administrazio Publiko, Hezkuntza, Osasungintza eta Gizarte zerbitzuak dira berriz ere hiruhileko arteko gehien hazi direnak, %1,4. Gainerako zerbitzuak %0,6 hazi dira eta Merkataritza, Ostalaritza eta Garraioa %0,4.
Sektore-agregatuen joerak Balio Erantsiaren urte arteko bilakaera positiboa ekarri du (%0,8); 2014ko bigarren datu positiboa, bederatzi hiruhilekotan negatiboak izan ondoren. Aurreko hiruhileko urte arteko datua baino lau hamarren hobea da. Hiruhilekoen artean eta hirugarren hiruhilekoz jarraian hazkundea dugu, %0,2.
Eskariaren aldetik, bi gauza aipagarri. Aurrena, Barne eskariaren bilakaera positiboaren nolabaiteko sendotzea, ehuneko puntu bat, aurreko hiruhileko datu positiboaren segidan. Bigarren, Barne eskariaren datu positibo honi kontra egiten dio kanpo-merkataritzaren bilakaera apalagoak, zeinak BPGren murrizte arina dakarren. Inportazioak pittin bat hazi dira, gutxixeago esportazioak.
Familia-etxeetako Azken Kontsumoari dagokion Gastuak, kontsumo pribatuak, urteko lehen hiruhileko bilakaera positiboa sendesten du. %1,4ko hazkundea dugu bigarren hiruhileko honetan; aurrekoarekin alderatuz gero, puntu bat eta bi hamarren gehiago. Hiruhileko tasa, %1,2.
Kontsumo publikoa (Administrazio publikoen azken kontsumoko gastua) %0,5 hazi da urte artean, aurreko hiruhilekoan baino bost hamarren gutxiago; honek hiruhilekoen arteko %4,7ko jaitsiera dakar.
Azken Kontsumoko Gastua ( Administrazio publikoen azken kontsumoko gastua eta Familia-etxeetakoa) %1,3 gehitu da. Aurreko hiruhilekoaren aldean, %-0,1.
Kapital eraketa gordinak (Inbertsioa) beheraka darrai, urte artean %0,1 jaitsi delarik; hiruhilekoen artekoa, %0,5 positiboa. Berriz ere inbertsioaren jokaera bi bilakaera kontrajarritan oinarritzen da. Ekipo-ondasunetan eginiko inbertsioa %1,4 hazi da urte artean eta %2,0 hiruhileko artean. Kapital eraketa gordinaren gainerakoak -eraikuntzarekin lotuagoak- tasa negatiboak ditu, bai urte artean (%-0,9), bai hiruhileko artean (%-0,2)
Barne eskaria, zeina osatzen baitute Azken kontsumoko gastuak eta Kapital eraketa gordinak, %1,0 gehitu da urte artean. Aurreko hiruhileko datua baino bederatzi hamarren hobea da.
Kanpo-sektoreak beheraka ekarri du BPG, zertxobait. Ondasun eta zerbitzuen esportazioak %2,3 gehitu dira urte artean, eta %2,4 inportazioak.
Enplegua, bigarren hiruhileko honetan (Dedikazio osoko baliokidetzan neurtuta) %0,1 hazi da urte artean, bost urtez jarraian hiruhilero jaitsi ondoren. 2014ko lehen hiruhilekoaren aldean, urte arteko honek %0,5eko hazkundea dakar.
Aurreko urteko hiruhileko beraren aldean, enplegua jaitsi egin da Industrian eta Eraikuntzan; beste bi jarduera-sektoreetan, ez. Zerbitzuetan %0,9 hazi da enplegua urte artean. Lehen sektorea %0,7 hazi da. Urte arteko jaitsierarik handiena berriz ere Eraikuntzan, %-2,7. Industrian, %-1,8.
Hiruhileko artean, Lehen sektoreak %7,4ko hazkundea eta Zerbitzuetakoak %0,8koa. Lehen hiruhilekoaren aldean, Industrian %-0,8 eta Eraikuntzan %-0,4.
Urte artean BPG %1,1 hazi da Gipuzkoan, %0,8 Bizkaian eta %0,7 Araban. Hiruhileko artean, Arabak %0,1, Bizkaiak %0,4, Gipuzkoak %0,4.
Informazio gehiago:
Eustat - Euskal Estatistika Erakundea / Instituto Vasco de Estadística
Donostia-San Sebastián, 1. 01010 Vitoria-Gasteiz
Prentsa zerbitzua: servicioprensa@eustat.eus Tel.: 945 01 75 62
Euskal AEko Hiruhilekoko Kontu Ekonomikoen gaineko prentsa-ohar gehiago
Euskal AEko Hiruhilekoko Kontu Ekonomikoen gaineko datu-bankua