2014ko irailaren 3ko prentsa-oharra
Euskal AEko eraikuntza-kostuak % 0,7 txikitu ziren 2014ko uztailean, aurreko hilarekin alderatuta
Iazko uztailarekin konparatuta, eraikuntza-kostuak % 1,2 txikitu dira
Euskal AEko Eraikuntzako Kostuen Indizea % 0,7 jaitsi zen 2014ko uztailean aurreko hilaren aldean. Bestalde, hil horretako urte arteko tasa ere beheranzkoa izan zen (-%1,2), EUSTATek emandako datuen arabera.
Aurreko hilekoaren aldean, ez da aldatu eskulanaren kostua, baina lehengaien kostuak % 0,8 jaitsi dira.
Azpisektoreka, etxegintzak eta obra zibilak bilakabide antzekoa izan dute lehengaien kostuei dagokienez aurreko hilarekin alderatuta; izan ere, eraikuntzako lehengaiak % 0,8 jaitsi dira eta obra zibilekoak, berriz, % 0,9.
Bi azpisektore horien urte arteko bilakaerari dagokionez, zeinu berekoak dira. Eraikuntzako lehengaien kostuak % 2,0 jaitsi dira eta obra zibilekoak, aldiz, % 2,3, iazko uztailekoekin alderatuta.
Sektoreak kontsumitu dituen lehengaietako batzuen urte arteko prezioak garestitu egin dira 2013ko uztailekoekin alderatuz. Nabarmentzekoak dira energia elektriko eta gasaren sektorekoak (% 2,2ko hazkundea), zuraren industriakoak (% 1,8ko hazkundea) eta industria ez-metalikoarenak (% 0,7ko hazkundea). Aitzitik, beste sektore batzuetako lehengaien prezioak txikitu egin dira hamabi hilabete hauetan. Aipatzekoak dira mineral ez-metalikoen sektorekoak (% 4,1 txikiagoak), petrolioaren finketarenak (% 3,4 txikiagoak) eta material elektrikoarenak (% 1,9 txikiagoak).
Informazio gehiago:
Eustat - Euskal Estatistika Erakundea / Instituto Vasco de Estadística
Donostia-San Sebastián, 1. 01010 Vitoria-Gasteiz
Prentsa zerbitzua: servicioprensa@eustat.eus Tel.: 945 01 75 62
Euskal AEko Eraikuntzako Kostuen Indizeari buruzko prentsa-ohar gehiago
Euskal AEko Eraikuntzako Kostuen Indizeari buruzko datu-bankua